10heele Itiyoppiyak Magaalol Forem Yumurruqe
Addis Ababa, Naharsi Kudok 10, 2018 (FMC) Naharsi Kudok 6 Sanat 2018 Xabba Haanam Samara Logiyi Magaalal Gexisak Sugen 10heele Magaalol Forem Asaaku Yumurruqe.
Tama Gaba Kalti Taddeeral Ciggiila Naharsi Malak Temesgen Tiruneh, Qafar Rakakaayak Naharsi Saqal Cajji Awwal Qarba, Magaala Kee Rakiibo Daddoosih Malaakah Tan Chaltu Saani Kee Kalah Tan Fayya le Mirocti Elle Geytimte.
Gifti Chaltu Saani Tamakkel Elle Abte Yaabal:- Ta Foremi Magaalol Rakiibo Daddosih Baarisiyyaay, Kallayto Buxak Ayfaafay Mattacooy, Korider Daddoosih Abnisso kee Kalah Tan Langittel Abak Raag Sitta Elle Tabisak Sugen.
Magaalak Ardi Mantafaqat Kee Qarwa Daddoosih Mabbuxih Taqabih Calli Geysiisoonuh Taama Akkuk Geytimtam Ascassuuk:- Magaalol Abak Raag Tabaatabsal Diggoysak Tayse Leeda Fan Tabaanam Faxximtam Tiysidxige.
Ayfaafay Mattacol Uguttah Tan Weeqah Calli Geysiisaanam Faxximtam Tescesseh Tan Tama Malaaka:- Samaa Logiyi Magaalal Gexisak Sugen 10heele Magaalol Foremi Kaxxaam Muquk Sugeh Yanim Kassisse.
140 uk Daga Takke Magaalol Edde Tengele Ta Foremil, Magaalol 5 BUtta Kurruumak Kulli Buttah Xayyowteh Tan Qalayli Kibneena Keeleenih Yaniinim Tescesse.
Tahak Ugut Abak, 1hayto Buttal 1haytoh Adaamaay, 2haytoh Bishoftuuy, 3haytoh Hawaasa Akkuk Yeysen.
2haytoh Buttal Kaaduk Jimmaay, Hosaqna Kee Dilla Yaakumik Ciggiilil Tiyaak Ila 3hayto Fan Yewqen.
Sheger Magaala 10hayto Magaalol Foremil Baxsa Le Acwa Geytem Kinnuuk, Ta Forem Bicisseh Tan Samara Magaagaalah Edde Acwa Tontocowwe.
11hayto Magaalol Foremi Asoosa Magaala Akah Bicissannah Doorimte.
Abdulkadir Jamal