487 Milliyonih Birrit Abbinoowua Waa Konnabak Kee Balbal Awdak balbal Efeq Daddosih Cugaysoh qimbisiisiyyak ukummo^xaa Daffesen
Addis Ababa,Qado Dirri 29,2018 (FMC) Gabat aglele buqre kee rusqa tabaatabsih milaagih taddira pact koobaahissol abbinoowu waah yan konnabak balbal efeq daddoosih cugaysoy 300 hektaarak daga takke baaxo edde yabquroonu waanak ukummo^xaa Rakaakayak fayyale miraaciini elle geytimak Daffesen.
Rakaakayak fayyale miraaciinuuy kee Daqar miraaciinu kee ayyunta elle geytimteh tan ta taddira Maca Kinnim Rakakayak Buqre kee gino gaddih biiroh saqal Injineer Yasin Qali Adda Fakot Abe.
Rakaakay doolat mekeliik murtisso fan iyya afkanal ayyunti qambaalak awquk maaqiddi caabih isik diggoosuh mango taama abak geytimaanam kassiise.
Konnabak balbal projektiiy mango dariifal gexisen kusaaqaak gamadal aakam akah yamcawwem faxximtam balbala axcuk Rakaakay dolat yeceeh yan afkanaak ugutak Abak Buqre fandi IFAD ak geytime maaliyyah qokoluy 487 birri yakket abbinoowu waa efeq buqreh daddoosih projektiy inki sanatat gaba kalak ayfaf yacayuwaa kinnim qaddose
Aprojekti balbalal buqreh takke baaxo likih cankah lee buqreh takke baaxo lee korisam xiqak suge wee ayyuntay 1500uk daga yakkeh buqreh ayfaf aceelem yiysixxige.
Projekti gaba kaleh taama qimbisuwaa uddur sanatal inki adda abquruk sugen buqre sanatal 2 adda yabqureenim xiqeloonum kee murti manga buxah addak tatrusak gabaayah akah xayyoosanam xiqan innah buqreh faxximmata maxaabariya kee kalah tan qokolitte nagay keenih abeloonum Yescesse.
Qawwalaylah ossodih makkabiyyoh komishinih komishiner gifta macammad cuseen balbal daqar karma roobih uddur buqre abal mango taqabi kataasak sugem kee komishin caddol mangom edde macalak sugeenim Baxxaqse.
A prograamat geytimah yan saamiiy buqre daddos dubuh hinnay weeqi sahdaytuuy saqa kee ballaaqel kataasak sugeh yan qawwalayla dagooseleemih taagah ayyunti a projekti abah yan taama ken ikiyta kinnim aaxaguk dacrisaanam kee geytime saamit yantifiqeenim faxximtam Yescesse.
PACT program qafar Rakaakayal saqalah yan gifta macammad Awwal macammad konnabi daqar gubaay dagah edde yan cuggaane cubbit haak away caalat reebuh haak aprojekti arac xage kalaanamak cubbi geyak aprojekti nagay dacrisaanam faxximtam kassiise.
Away baadal yan caalataak ugutak baaxo xexxar kee xayyos taqabi matraway
Borojekti akah yibbixen udduurul gaba akah kalannah abeloonum yiysixxige.
PACTi program Qafar addal 7 sanatih taamah uddurleh yan prograam kinnuuk konnabak balbalal a projekti gaba kalaway kalah tan daddos taama akah aban innah tacsabo loonum tahallih qaddoose.
Konnabak balbal ayyunti a projekti abeenih yanin rufto is baktiiy akah temeetem nibakti inta maxcot qaddoosaak doolat mango udduuruh luk sugen essero keenih oggolak annah yan raddi geenim kaxxam ruffa ken haytam Yubluusen.
Kalifa Kadir