Jappan Kobbanitte Itiyoppiyal Invest Akah Abtannah Seeco Xayyowte

Addis Ababa,Agda Baxisso 4,2018 (FMC) Iroh Caagidah Malaak D/r Gediyon Temeteos Jappan Kobbanitte Itiyoppiyal Invest Akah Abtannah Seeco Xayyose.

D/r Gediyon Temeteos Jappanak Iroh Caagidah Malakah Yan Deita Kunimatisu Ayyano Miraacisa Tellemmo Kee Investmenti Butta Lih Walal Abe.

Tama Malaak Iyyemihi Itiyoppiya Kee Jappan Aydaadi Angaaraw Lem Kee Tonnah Nammay Takko Fantaxaw Loonum Kassise.

Jappan Abak Geytimta Daddos Qokoluh Gadda Gacise D/r Gediyonu Namma Baaxoh Fantaxaw Tellemmo Kee Investment Luddal Aysuk Yemetem Kee Fooca Fanah Diggaluk Akah Maqrrosan Innah Essere.

Ossotinah ta malaakih oyti elle yascassennal 35 daga takke jappaan Kambanitek tewqeh tan 48 takke tellemmoh erga ityoppiyal geytimtah tan Kabxa kee investimentih saamitte wagittaamal Adda Fakot Aben.

Jappaanak Afa Caagiidah Malaakah Yan Kunimitsu Ayano Isi Katuk Iyyemihi Itiyoppiya Kee Jappaan Tellemmo Kee Investimentitte Fooca Fanah Sitta Lih Taamitaanam Faxximtam Kassiise.

Beera Itiyoppiya Kee Jappan Tellemmô Gudgud Gexiselem Kassiisaak, Tama Gudgud Namma Baaxoh Fanat Yan Kabxxa Kee Investimenti Angaaraw Fooca Fanah Diggoowuh Kaxxa Tuxxiq Allelem Yiysixxige.