Tullu Arara Moodel Mandar Kalah Tan Dariifal Abinal Akah Assannah Taama Akkuk Geytimta Gifti Chaltu Sani

Addis Ababa, Agda-Baxissok 05, 2018 (FMC) Oromiyah Rakaakayal Geytima Tullu Arara Moodel Mandar Baaxok Kalah Tan Dariifal Abinal Akah Assannah Taama Akkuk Geytimtam Magaala Kee Rakiibo Daddoosih Malaakah Tan Chaltu Saani Qaddosse.

Naharsi Malak Dr. Abiy Acmad Karma Labbatih Taddeera Fayya Le Caddo Fan Tabisseh Tan Tullu Arara Oggoysim Le Moodel Mandar Tatre Ayyam Qaduuk Dooqaysimeh Yanim Tamixxige.

Oggoysim Le Moodel Mandaral 35 Takke Buxah Abbowte Lem Kinnuuk, Barri Kee Magaala Daddos Oggoysimak Ayyuntak Mano Maysaasah Taddeera Abbaxuk Xisne Elle Akkuk Geytimtam Tama Malaaka Tiysixxige.

Tullu Arara Moodel Mandaral Guubuh Yan Mari GHasoh Addat Kuduraatitte Akah Daddoosan Inna Kee Ayrol 15 Ila 20 Liitirih Can Yacem Xiiqa Laa Akah Yaydarren Innah Missoosak Magaala Buqre Abbinoowak Geytimtaamat Yabte.

Yamruteenih Yanin Murtitte Isinnih Maaqiddah Edde Yantiffiqimeenimik Ossetinah, Dariifah Ayyuntah Aylammuk Tuxxiq Akah Geyan Innah Abteh Tanim Tiysixxige.

Baaxo Xaylo Koobahisak Tonnah Qidaddossah Tan Gurral Baxaabaxsa Le Dariifal Geytimta Gaba Dagoytitih Tuxxiq Akah Tallennah Taama Akkuk Geytimtam Qaddosse.

Baxsa Luk Milaaguuk Abbah Tekkeh Tan Labbat Taamoomi, Ayyunti Garil Isik Isih Fantaaxaw Akah Diggoowannah Abak Geytimaam Kassise.

Magaalol Qasriino Akah Tallennah Takkeh Tan Taamal Addis Ababal Qimbimteh Tan Korider Daddoosih Taama 170 Daga Takke Magaaloolil Abbonoowak Geytimtam Kinnuuk, Aham Kaaduk Magaalol Yayse Gurral Qasriino Akah Tallennah Abaanamak Ossetinah Baaxo Xayloh Tuxxiq Diggossam Kinniimit Yabte.

Tama Bis Luk Barri Koriderih Daddoosul Baxaabaxsa Le Dariifal Abbinoowak Geytimtam Ascassuuk, Tullu Arara Oggoysim Le Moodel Mandar Kalah Tan Dariifal Abbinosaanam Elle Xiiqan Taama Akkuk Geytimtam Qaddosse.