Qidaddo Milaagitte Iro Baaxoh investerwah Bica Le investimentih Dariifa Ginte – Kassahun Gofe (D/r)
Addis Ababa Agda Baxisso 5,2018 (FMC) Itiyoppiyal Gexsitak Geytima Maddur Milaagi Iro Baaxoh Investeritteh Bicale Investimentih Gadda Ginak Geytimam Kabxa Kee Dariifa Fantaxwih Malaakah Yan Gifta Kassahun Gofe (D/r) Qaddoose.
35 Takke Jappaan Kampaanitteh Ergak Tewqe Butta Itiyo-Jappan Tellemoh Gudgud Asaakih Ayro Addis Ababal Gexsen.
Ta Gudgud Namma Baaxoh Fanal Yan Kabxa Kee Investimenti Angaaraw Fooca Fanah Diggoysoonuh Kaxxa Doori Digrelem Qaddoysenim Kee Tonnah Kampaanitte Itiyoppiyal Baxaabaxsa Le Investimenti Saamittet Gabah Assagolla Akah Aban Innah Seeco Keenih Xayyosen.
Kassahun Gofe (D/r) Tama Aracal Iyyemihi:-Itiyyobiyak Qidaddo Milaagih Abinosiyi Manufakturing Luddal,Meraytu kee Lojistik,Buqreey,Maqaadin, Ayfaf,kee Kalah tan luddal Meqe Investementi Saamitte Ginte.
Doolat Agat Caddol Qidaddo Milaaguh Gexso Afa Baaxoh Investerwah Meqe Dariifa Gine Dibuk Hinnay Itiyoppiya Miraacissah Tan Afa Baaxoh Investementih Fanteena Akkuk Geytimtam Kassiise.
Afrikak Currik tan Kabxah Sittin Gey Edde Anuk Kalah tan Dariifa Kee Baad Caddoh Kabxah Sittin Gey Abbinoysaanam Kabxa Kee Investimentih Caagiida Sahlisak Iro Baaxoh Investeritteh Kaxxa Qadaaga Angaaraw Akah Bicisan Innah Abak Geytimam Qaddoosen.
Tamaha Lih Itiyoppiya Baadak Kabxa Eglah Adoyta Takkuh Abak Geytimtah Tan Macalitteh Addat Jappaan Lih Namma Baaxoh Kabxah Sittin Gey Abteh Tanim Kassisak, Tama Sittin Gey Sissik Abbinoysoonu Faxximtam Kassiisen.
Baxaabaxsa Le Luddal Investementi Abak Geytimta Jappaan Investerwah Doolat Faxxiima Qokol Akah Aban Innah Bical Geytimtam Qaddoose.
Jappaanak Iroh Caagidah Malaak Kunimitsu Ayano Ken Baaxo Kabxa Kee Investimentih Angaaraw Diggoosoonuh 50 Daga Takke Adoytit Leh Tan Erga Ruubak Geytimaanam Yescessen.
Itiyoppiyal Qidaddo Milaaguk Ugutak Ginte Bicale Investimentih Dariifak Gexxaamah Mangoh Tan Jappaan Investeritte Baxaabaxsa Le Luddal Investimenti Abtaamih Fayxi Lem Yiysixxige.
Kay Doolat Itiyoppiyal Investment Abam Faxxa Investerwah Qokol Fooca Fanah Abelem Kassiisaak, Namma Baaxoh Kabxah Ayyuntih Adoytit Sitta Lih Investmentih Angaaraw Ginak Baaxoh Fanat Yan Angaaraw Diggoosaanam Faxximtam Kassiise.