Milaagi Doolat Turuzim Qidaddoh Rakiibok Tiya Abak Hangi Akah Cayuk Taamite- Caggila Naharsi Malaak Temesgen Teruneh

Addis Ababa,Agda Baxisso 7,2018 (FMC) Milaagi Doolat Turuzim Qidaddoh Rakiibok Caggila Naharsi Malaak Temesgen Teruneh Qaddose.

Caggila Naharsi Malaak Temesgen Teruneh Ayyuntiino Rettimal tatruse Farmol Iyyemihi Itiyoppiya Milaagu Lih Temeete Turuzim Diifut Iffowak Geytimtam Yiysixxige.

Itiyoppiyak Mango Liggidah Suge Turizim Kutbeh Kitab Faknawaka Elle Faxximtannal Aysixxigeween Baaxo Weeloy,Missow Sinni Aydaadi Gexsitiy,Kusaqisekal Xayyosen Gadda Kee Weelo Sugtem Kassise.

Taturte Milaagi Liggiditte Turuzim Luddal Yemete Milaagi Ta Sugteh Tan Taqabitte Ramidiik Bayisak Qusba Turuzim Qanditte Daabisemit Yaabe.

Milaagi Doolat Turuzim Qidaddoh Rakiibok Tiya Abak Hangi Akah Cayuk Taamitem Kassisak Away Cawal Xalu Gaboysak Ni Baaxok Turuzim Qidaddo Aysiisuk Geytimanam Kassise.

Tahala Naharsi Malaak D/r Abiyyi Acmad Tama Luddal Sugte Taqabitte Fokkaqak Turuzimil Sugte Taqabitte Missosak Baaxo Kee Hora Fanteena Aba Miraciinu Ginak Taamitemi Ta Xaluk Diror Lafa Tekke.