Qaso Biyak Kalalonuh Tekkeh Tan Taamal Qaso Lakima Addah Haanam Xiqqimttem Qaddosen.

Addis Ababa,Agda Baxisso 7,2018 (FMC) Qafar Rakaakaayal Qaso Biyak Kalalonuh Tekkeh Tan Taamal Qaso Lakima Addah Haanam Xiqqimttem Qaafiyat Biiro Qaddose.

Rakaakay Caddol 7 Heeleh Addah ”Qaso Baysanam Yok Qembitay” Inttah Tan Itrol Qasoh Ayyam Sifra Daqaaral Gexsen.

Ta Gudgudul Geytimak Farmo Tatruseh Yan Qaafiyat Biirok Ciggila Saqal Witikka Noore Qaso Kalalih Caddol Warraye 6 alsih Addat Qaso Fokkaaqo Abteh Tan 300 Afik Daga Takke Ummattak 70 Alfik Daga Takke Ummattal Qaso Biyak Geytimem Qaddoose.

Rakaakay Caddol Doorenih Yanin 25 Daqooritil Inik Kee Nammay Haytto Makaftal Amoladih 630 Alfik Daga Takke Kayniqta Saroh Keefiyyo Ummattah Abanamih Taama Tekkem Gifta Witikka Noore Yescesse.

Qaso Kalalih Caddol Tekkeh Tan Taamal Tatre Sanatak Awayih Uddur 20 Gaba Qaso Addah Haanam Xiqqimttem Qaafiyat Biirok Ciggila Saqal Ugse.

Sifra Daqaarak Qaafiyat K/Buxah Saqal Gifta Cuseen Macammad Cummad Kulli Awdoodil Qaso Kalalih Taamal Ummattah Uguus Taama Kee Fokkaaqo Taddera Gexisak Taama Meqe Gurral Akkuk Geytimttam Yescesse.