Amara Rakakayih Doolat Kee Afhixu Fanat Sitta Elle Geen Sarrimaane Le Saama Sittin Gey Xalot Akah Yalennah Abta Sittin Geyittel Feera Wara Heen.

Addis Ababa,Agda Baxisso 14 2018 (FMC) Amara Rakakayih Doolat Kee Amahara Fanno Ummattah Egla (Afhixu) Sarrimaane Le Saama Sittin Gey Xalot Akah Yalennah Abta Sittin Geyittel Feera Wara Asaakih Ayro Heen.

Tama Sittin Gey tadderal Saalam Malaakah Yan Macammad Idriis Tonnah Rakakay Kee Federal Doolatay Tonnah Kalali Qandek fayyo Le Caddoh Mirocti Kee Afhixok Fayyo Le Caddoh Mirocti Elle Geytimte.

Salaam Malaak Gifta Maccam Idriis Tamakkel Iyyemihi :-Tama Rakakayal Suge Boodu Ummatta Geytam Faxximak Sugte Daddos Waysiiseh Suge Kaxxa Taqabitte Kataseh Sugemit Yaabe.

Tahak Ugut Abak Edde Nan wakti Salaamak yan Gital Akkewaytek Birta Le Gaadi edde Yanfiqe wakti Akkewytam kassise.

Asaaku Saalam Dooritak Salam Gital Temeete Afhixoh Mirocti Kaxxam faxximtah Awayih Horah Bica Le Margat Yemteenimih Gadda Keenih gacise.

Tonnah Raqteh tan Gaadu Salaamah Ummatta fanah Akah Gacan Innah Seeco Keenih Xayyose.

Afhixoh Mirac Fantaw Mucabba Is Le katuk Iyyemihi :- Salaam Sittin gey Akah Diggowannah taturte Uddurah Afrikah Inkiino Kee IGAd Ko Bahissol Walalak Sugeenimit Yaabe.