Rakaakay doolatak geytime maali Qokolut sayyo kee ayyuntiinoh caagidah biiro kee aygadad xisne qoklih kutbeh buaxa sitta luk cattiimak carri rasuk xaale faageh daaqaral 50 takkeh tan shodak raqteh tan buxah maritteh maali cato aben.

Addis Ababa,Agda Baxisso 18,2018 (FMC) Qokol Elle aben xaale faageh ta qaqaarak xinto saqal kee sayyo kee ayyuntiino caagidah kutbeh saqala iyyeenmihiy Ta Daqaaral tan gubun kee qayxiixah Rakaakayak sayyo kee ayyuntiinoh caagidah biiro kee aygdad kee xisne qokolih kutbeh sitta luk cattiimak sayyoh aben qokol akak calwytak sugeenimik tu-kteena keenih akke leemih taagah inni le katuk kulsa le gadda keenih gacisna iyyen.

Maali cato akah aben sayyo keenih aben catot ruffa iyyeenim kee cato keenih abeh yan Marah gadda gacisna yaanamay iyyen.

Xaale faageh daqaaral 50 takke sayyoh aben qokolol inki barrah numtin amol 10 Alfih birriy sitta 5 Boolih Alfi takke lakqo yeceenim kee amolladih xaale faage edde anuk gersi 7 daqaaral aben maali qokol 8 daqaarak konttom konttom takke sayyo sitta 400 bool takke sayyoh 5 milyeenih gaba baht qado lakqoh qokol abeenih yaniinim rakaakayak sayyo kee ayyuntiinoh caagidah biiro kee aygdad xisneh qokolih kutbeh buxak geyneh Nan oyti qaddoysem.

Qafar Rakaakayak Baxaabxsa le Bacra daqaaral abak sugen maali qokolih taddeera meqennal gaba kalte.