Itiyoppiya Kee Ameerika Namma Baaxok Agat Tuxxiq Dacrisoonuh Sitta Lih Taamitaanam Elle Duudan Sittin Gey Aben.
Addis Ababa,Agda Baxisso 19,2018 (FMC) Itiyoppiya Kee Ameerika Namma Baaxoh Agat Tuxxiq Dacrisoonuh Sitta Lih Taamiteloonum Yiysixxigen.
Kalali Qandeh Malaakah Tan Injiner Qeysha Macammad Ameerikak Afrikah Qandeh Komander Jeneral Dougvin REm Lih Walal Abte.
Tama Walalal Namma Baaxoh Fanat Yan Qaskariyyoh Angaaraw Diggosanam Elle Duudan Caagiidal Hangi Acayuk Abeenih Yaniinim Qaddoosen.
Ta Malaak Elle Qaddoosennal Namma Baaxo Xex Waktih Angaaraw Lem Takkay Ikkah, Tawak Dadalak Geytimta Diplomaasih Angaaraw Kee Qaskariyyoh Angaaraw Fayya Le Caddoh Istraateejik Sitaluk Angaaraw Fanah Fayya Haanam Faxximtam Kassisse.
Namma Baaxok Agat Tuxxiq Dacrisoonuh Sitta Lih Taamitoonuh Sittin Gey Abeenim Qaddoosak, Namma Baaxoh Inki Gide Takke Tuxxiq Akah Geyan Innah Diggaluk Taamiteloonum Qaddoosen.
Salaam Kee Saay Caagiidal Sitta Lih Taamitoonuh Sittin Gey Gufeenim Yescessenim Kee Tonnah Qarkakisa Kalaloonuh Sitta Lih Taamitoonuh Sittin Gey Gufeenim Baxxaqsen.