Ayyunta Fanteena Abta sarrimaane Le Daddos Taama Diggosnuh Baguuk Taamitenno-Adanesh Abebe

Addis Ababa,Agda Baxisso 20,2018 (FMC) Qimbimteh Tan Ayyunta Fanteena Abta Sarrino Le Daddos Taamimi Diggosnuh Nagay Taamitenno Axcuk Addis Ababah Magalah Xinissoh Saqalah Tan Adanesh Abebe Qaddose.

Magala Xinissoh Saqal Addis Ababah Magaalah Xinissok Sanat 2018 Mizaniyyat Liggidah Tekke Taamomi Kee Ciggilak hangi Akah Yacoonuwan Caagida Wagsiisak Adda Fakoot Abte.

Tama Adda Faknul Intemihi Azab Lennal Affaf Yaceenim Kee Ciggilta Uddura Takkeh tan Caagidah Hangi Acayuk Taamiteloonum Tescesse.

Culenti Kobxisiyyih Gexso Nagay Qasriino Lennah Abanamay Tonnah Culenti Duddat Yantifiqeenimih Gexsoh Hangi Acayuk Taamitelonum Tescesse.

Gita Maliinoh Taamittah tan Tellemmo Abeenitil Maqatta Akah Beyan Innih Gexso Diggowak Gexem Kassisse.

Affaf Mattaco Qasriino Le Gital Akah Takkennah Qimbiseenih Yanin Koora Inki Fanteenah Affafitte Diggosak Gexselonum Qaddosse.

Tonnah kalah Ummatta Le Kabuk Tamaateh tan Weeqah Raddi Gacisak Garqiino Akah Kalalan Innah faxximta Maqatta Beyak Taamitanam Faxximtam Baxxaqisse.

Tonnah Maqiishat Gala Daggosoonuh Gadbo Xalootih Taama Diggosanamay,Taama Saamitte Ginanamay,Qusba Qusba Hadalitte Ginak Canka Ludditteh Gabat Agle Diggosanam Faxximtam Kassisse.

Kalah Magaalal 7 Heele Amolladi Dooroh Faxximtah ta Wadboobi Ginak Taamitanam Faxximtam Kassisak baxsaluk Uguttah tan Dimokrasih Esseroorah Elle Faxximtanal Raddi Yaceenim Faxximtam Tiysixxige.

Ayyunta Fanteena Abta sarrimaane Le daddos Taama Diggosnuh Baguuk Taamitenno axcuk Baxxaqisse.