Itiyo Telekom 85 Billiyonih Birril Daga Yakke Culenta Gee.

Addis Ababa ,Agda Baxisso 21,2018 (FMC) Itiyo Telekom Sanat 2018 Mizaaniyyat Liggidak Taturte 6 Alsitteh Addat 85 Biliyoonih Birriik Daga Yakke Culenta Geytem Qaddoosen.

Itiyo Telekomuk Saqalah Tan Frehiwot Tammiru Tama Exxak Sanat 2018 Heele Mizaniyyat Liggidak Laca Alsih Addat Tekke Taamak Addafakot Abte.

Itiyoppiya Telekom Maxxatle Interneetih Ayfaf Geysiisuh Ossotinah Diggaluk Taamitak Geytimaanam Qaddoosen.

Culenti raceenaani baarisaanam kee Maqmilwa Ixxima kee Rufto osisaanamal mango taama tekkeh tanim Tescesse.

Miss Sanatal 85 Billiyonih Burton Daga Yakke Culenta Gabosanam Xiqeenim Kassisak Tah Kaadu Ekrarok Booluk 81 Aracat Haanam Duudumtem Tiysixxige.

Itiyo Telekomuk Amolladi Madruurah 1Qadaf 87 Ximmoy 1 Billiyon Guftem Asacassuk Tature Sanatak Ossotinah 6 Ossotinah Tublusem Kassisse.

Away Sanat Qaxih Addal 133 Takke Magaalol 4G Retteemah Tuxxiq Geytem Kee Away 4G Retteemah Tuxxiq Geyteh Tan Magaalol Ixxima 1 Alfi 69 Gufteh Tanim Tiysixxge.

Ossotinah Barri Dariifah Ayyunti Network Akah Gufannah Abanam Duudumtem Tescesse.

Sayber Maysattaka Kalaloonuh Baxaabaxsale Qasri Teknolojitte Abinal Asisaanam Xiqqimtam Kassisse.