Ayyunta Rakiibo Abta Qaafiyat Caabih Ayfaafak Taamah Abbinos Kusaaqisiyyi Kee Qusba Daqoorit Adoytiitih Haanam Qimbisiisiyyih Taddeerah Gudgud Gexsite.

Addis Ababa,Agda Baxisso 25,2018 (FMC) Ayyunta Rakiibo Abta Qaafiyat Caabih Ayfaafak Taamah Abbinos Kusaaqisiyyi Kee Qusba Daqoorit Adoytiitih Haanam Qimbisiisiyyih Taddiirah Gudgud Gexsiteh Yanim Qaddosen.

Ta Gudgudut Qafár Rakaakayak Leedâh Partik Saqalah Yan Gifta Macammad Cuseen Qaliisay, Federaalak Ayyunta Rakiibo Abta Qaafiyat Caabih Ayfaafak Ciggiltá Xayrekterih Tan Gifti Yamrot Andalemiy, Rakaakayak Fayyale Miraaciinuy, Rasi Miraaciinu Kee Daqoorit Miraaciinu Edde Tengeleh Sugtem Tamixxige.

Ta Guguduk Lafale Hadaf Ayyunta Rakiibo Abta Qaafiyat Caabih Ayfaafih Adoytiitih Duma Sugte Daqoorit Asqassaabe Taama Akah Abtannay, Qusba Daqoorit Adoytiit Abaanam Kee Tonnah Kaadu Rakaakay Caddol Inki Sandug Akah Yaninnah Abaanamih Taama Diggoowak Akah Gexxannah Elle Malisan Gudgud Kinnim Kassisen.

Rakaakay Caddol Ayyunta Rakiibo Abta Qaafiyat Caabih Ayfaf Giyak Geytimta Daqoorit 40 Akkuk Sugtem Kee Away Qusbih 10 Takke Daqoorit Adoytit Akkuk Rakaakay Caddol Sittat 42 Daqar Kee 8 Takke Magaalâ Xiinissoh Ummatta Ta Ayfaf Inkih Akah Geytannah Akkuk Geytimtam Yescessen.

Tonnah Kaadu Ta Gudgudul Sanat 2017 Addat Tekke Taamoomik Abbinos Kee Sanat 2018 Addat Takku Wayta Taamoomi Maca Celtam Baar Luk Xayyoowak Qaku Kee Kulsa Maca Akak Celtaamal Baar Le Walal Gexsitak Maacisem Tamixxige.

Tama Gudgudul Geytimak Farmo Tatrusseh Sugtem Qafár Rakaakayak Leedâh Partik Saqalah Yan Massakaxxale Macammad Cuseen Qaliisa Kinnuuk Iyyeemih Ayyunta Rakiibo Abta Qaafiyat Caabih Ayfaf Ni Ummattah Nabam Meqe Ayfaafay Meqe Saami Gabat Luk Yemeete Kinnuuk Inkih Yan Rasu Kee Daqoorit Miraaciini Ta Ayfaafak Tuxxiq Ummatta Barisak Ummatta Aynabaabaduk Ummatta Ta Saamit Inkih Akah Tantifiqimennah Abtaanam Faxximta Axcuk Kassiise.

Qagitaak Kaadu Federaalak Ayyunta Rakiibo Abta Qaafiyat Caabih Ayfaafak Ciggiltá Xayrekterih Tan Gifti Yamrot Andalem Inteemih Qafar Ummatta Ta Saamit Akah Tantifiqimennah Le Xayloy Miraaciinuh Tani Baxsale Taamoomiy Kulsale Abak Geytimaanamih Taagah Taama Meqennal Gexak Geytimtam Kinnuuk Abbinos Ayrok Ayro Aysuk Akah Gexannah Miraaciini Uguugus Kee Macal Foocah Haak Gexam Faxximta Axcuk Qaddose.

Tonnah Kaadu Tama Gudgud Leedah Partik Siyaasa Langih Saqalah Yan Gifta Macammad Acmaday, Federaalak Ayyunta Rakiibo Abta Qaafiyat Caabih Ayfaafak Ciggiltá Xayrekterih Tan Gifti Yamrot Andalem Kee Qaafiyat Biirok C/Saqalah Yan Gifta Witikka Noore Miraacisak Miraaciini Ta Taamah Baxsale Hangi Acuyya Heeh Baxsale Xaloot Elle Yamaatem Duudannal Baar Le Walal Akkuk Maacisem Tamixxigem Rakakayak Qaafiyat Biiroh Oyti Yascasse.