Ummattah Awlaytiitih Malah Buxah Adoytiitik Naharsi Malaak Abiyyi Acmad (D/r) Fanah Xayyowte Esseroora
Amaara rakaakay kee Oromiyah rakaakayak inki inki exxaaxil ugte kookaxaw maytanih calli geyuh maca tekkeeh? 7 haytoh agat dooro salaam kee saayay, curriiy, qadaalat leeh, aamantinaan le gurral takkem kee amni taqabitte katassuh doolat kabuk taamitak geytimtah tan caagiida macaay? Agat caddol yakke massoysiyyi gexsit ayfaf takkuu kee baaxok sarrimaaneh ayfaf takkuh maca qambalsimtaah? Duffumte Rakaakay Gandar fanah gacisak sarrimaanele salaam daabisoonuh maca abak geytiman? TPLF liggiditteh abak sugteh tan innal duffumte rakaakayittel siyaasa hadafah edde xoqoysimak duffumte rakaakayitte gandar akah adaare waan innah abak geytimta. Ta caalat callissuh doolat maca abak geytimtaah? Tigray rakaakayal qunxxaaneyti buttaak gexxaamah rakaakay madqa sinna kee kookaxaw ugteemih sabbatah tigray ummatta baddi caalatat tan. Away tigray rakaakayak saay caalat maca yaniih ? Tigray Rakaakay agat caddol massoysiyyi gexsitit nagay gabat agle kee agat caddol 7 haytoh dooro akah takkennah esserti xintollih abak geytimtah tan taamoomi macaay?5hele liggidak 10hele madabiinoh daffeynak 2018 miizaaniyyat liggidak 6 alsih addat federaal doolat abteh tan taamah gabbaaqu wagittaamal malah adoytit xayyowteh tan esseroorah raddi kee addâ fakoot acayuk geytimam warsan.