Tatre 6 Alsih Addat Ekrarok Biso 5 Ximmoy 1 Biiliionuk Daga Yakke Dollar Culenti Geytimu Xiiqe
Addis Ababa,Agda Baxisso 26,2018 (FMC) Tatre 6 Alsih Addat Ekrarok Biso 5 Ximmoy 1 Biiliionuk Daga Yakke Dollar Culenti Geytimem Xiiqeh Yanim Naharsi Malaak Abiy Acmad(D.r) Qaddoyse. Tatre 6 Alsitteh Addat 709 Biiliion Biir Culenta Gaaboysanam Xiiqimte.
Naharsi Malaak Ummatta Awlaytit Malah Buxa Adoytit Kaal Ugutteh Eseeroh Raddi Gacse Uddurul Ekrarok Bisol 5 Ximmoy 1 Biilion Dollar Geytimu Xiiqeh Yanim Yescesse::Ta Xali Inkih Tan Ittyiopiyah Xaylo Rufto Kinnih Tanim Qaddoyse.
Ta Sanat 6 Alsih Addat Geytimte 5 Ximmoy 1 Billion Dollar Ittyiopiya Culsam Dubuk Hinnay Ekrarisseh Axige Waytam Qaddoyse.
Akki Gammik 7 Alsat Gaaboysen Culenti 815 Billion Dollar Gide Takke:: Ta Culenti 7 Alsih Addat Abbinosam Xiiqimitek Sanat Ekrarol 1 Ximmoy 5 Tirillion Birr Culenta Fayya Hoonuh Yuscubeen.
Culenti Gaaboysoh Taama Ganah Raqta Iyyeh Yan Naharsi Malaak Baaxo Caddol 2 Ximmoy 6 Million Business Buxak Buxah Loowo Tekke::Tahak Addat 400 Alfi Takke Sanaqatta Baxsa Tekkeh Tanim Yaabe.
Ayfaf Luddal 6 Alsih Addat 4 Ximmoy 5 Billion Dollar Iroh Ruubanam Xiiqmteh Tanim Kee Dadal Kak 17 Boolih Gaba Akkuk Tunkuttube Iyye.
Iro Saanih Investmenti Luddal Tatre 6 Alsih Addat 2 Ximmoy 3 Billion Dollar Yemeeteh Yanim Kee Ta Dadal 20 Ximmoy 6 Boolih Gaba Kinnih Tanim Yscesse