“Hadliyya kee sarrimaanele qidaddoh gexsit” qaafiyatle inontih inta maxcol inontih alsih waynabo panal walalal Gexsen
Addis Ababa,Agda Baxisso 26,2018 (FMC) Ta waynaboh gudgudul geytimeh yan qaafiyat biirok ciggiila saqalah yan gifta Witikka noore fakkental abe yaabal Teknoloji kee sarrimaanele faynansih gexsit inontih iyya ammuntal yassakaxxen alsi waynabot dubuh yaadiyem hinnay inontih faxxiimah yan qaafiyat kee duddih abina hangisak inkih tan alsitte ininuh faxximta qaafiyat gititte hadlaanam faxximtam kassiise.
Miraaciini akak amqe wee gexsit sarrimaane alle waamih taagah miraaciini inonti hanaawi kee qaafiyat dacayri Isim qimbisam faxximta Qaddose.
Iniini qaafiyat dacrisoonuuy faxxiima ayfaf guddusoonuh adda culenta fayya haak diggoosaanam faxximtam Yescesse.
Nabsih assamaaqe wayteeh qaafiyat akak dacrise weeniih bagut haytawak qaafiyat kattat akah abe ween inonti qaafiyatah tan xayloy baaxo nagarta bahtam xiqe waytaamih taagah inonti qaafiyatah hangi yaceenim kulli dagaral tan dirki yaanam iyye.
unkaq muquktemeetenil arciba yab abeh yan Qafiyat biirok inontiiy alaaqa kee qunxa urrih caagiidah dayrektorit dayrekterih yan macammad Qabdulkadir Duddi gablusiyya kee biro gexsit elle sugennak massosaanam akuk temetem yiysixxige.
Qaafiyat guddussol assakatle taama akkuk temeetem kee Asanat Teknolooji kee adda faynansi gexsit gabbuloosaanamal baarle taama akkelem Baxxaqse.
Ataddiira dubuh rakaakay caddol daffeesaanam hinnay addah qaafiyat cakroori fan oobiseloonum tahallih Yiysixxige.
Ta waynaboh walalat Rakaakayak maytani makaadoh adoytitiiy baxaabaxsale qokol abta meqem abittoh eglaalih awlaytiitiiy Hospitalwa saqolti kee qaafiyat Biiroh Miraacini Edde Yengele.
Inonti qaafiyat elle dacrisan innaaytakkem faxximta qokolitteey baarissoo kee kattat elle yakkem faxximtanna adda Gaddih gexsit elle diggoowam faxximtannak mangoomul walaleeniik gamadal walal meqennal yumurruqe.
Kalifa Kadir