Itiyoppiya Kee Eletriya fanih angaaraw salcam qimbisem Baddi furdah esserok afa kinni-Naharsi Malaak Abiyyi Acmad (D/r)

Addis Ababa,Agda Baxisso 26,2018 (FMC) Naharsi Malaak Abiy Acmad Itiyoppiya Kee Eletriyah Fanal yanih yan Wakti Caalat Wagsiisak Mala Buxah adda fakoot abe.

Naharsi Malaak Mala Buxah adoytiitih abeh yan Adda faknul Namma Baaxooxah fanih taqabik ugtuma Qasa Badih Caagid hinnay Eletriya is dudde Baaxoh ceelo geyte udduruk qimbissa haanam luk temeete aydaadi gexgexsit kinnim Qaddoyse.

Milaagi Lakal Namma Baaxoh fanal 30 sanootah suge taqabi firga akah geyannah Itiyoppiyah Doolat naba Macal aba way ta gexsitih addat adafitte boodeh tanim yescesseh yan Naharsi Malaak Abiy Acmad Kilbatti Itiyoppiyah Carbih uddur tumbulle ceele wayni abinitte ittin dareemuh afa fakteh tanim ciggilta ximoomal Yescesse.

Eletriyah Doolat Carbi uddur Shire Magaala Culak ayyunti Gadda buubeeh,qagitak Aksum Magaalal samad baysi abto abe h yanim Kassise.

Tinnaah Qaxxigiraat kee Axwal geytinta Masnaqitte garaqak beenih yaninim warisak too uddur Itiyoppiyah Doolat Mangi katuk inticaan addat edde suge udduruk sugtem Qaddyse.

Taqabitte walalal firga geytuh Itiyoppiyak Dumaahi afa Caagiidah Malaak Gexxu Indargachew katuk yekke macal xalot geysiisekkal raqem Warse.

Mekele fan akkuk suge tayyaara safar akah soole sugem Eletriyah Caylih angoyya yayseexoonu kinnim yescesseh yan Naharsi Malaak bice waay fayya le Caddo maade suga way Pritoriyah ittin gey Tigray Shaqbih naba saami baahem kassiise.