Naharsi Malaakih Buxah Ina Samaral Xisseh Tan Gaqambo Kee Burri Masnaq Samara Kee Dariifah Ayyuntah Qadaagah Xayyoysaanamih Taama Qembisse

Addis Ababa,Agda Baxisso 28,2018 (FMC) Naharsi Malaakih Buxah Ina Zinnash Tayyachew Kutbeh Buxa Samara Magaalal Xisseh Tan Gaqambo Kee Burri Masnaq Ayfaf Yaceem Qembiseh Yanim Qaddowe.

Ta Masnaq Ayrol 300 Alfi Takke Gaqambo Tamruteemih Dudda Lem Kinnuk Magaala Tanbulleh Tan Gaqambo Xayyos Kee Taqabiiy Qadaaga Gala Daggossu Waytam Qaddoysen.

Samara Logyi Magaalah Xiinissoh Saqal Gifta Qabdu Mussa Ta Aracal Abeh Yan Yaabal Elle Qaddoyseh Yan Innal Ta Masnaq Ayrol Burrik 420 Kuntaal Tamrutem Kee Baxsa Luk Awayyih Uddur Magaalal 20 Birrih Kalak Geytimaanah Yanin Gaqambo Magaala Xiinisso Ta Masnaqah Abtah Tan Qokoluk Amakkaquk 7 Birrih Ayyuntah Xayyoysak Geytimaanam Qaddoysak Murti Ayyunta Xeyi Aracak Maadisoonuh Samara Kee Logyi Maagalal Dukaakin Fakeenih Geytimaanam Yescesse.

Qagisak Gifta Qabdu Mussa Abeh Yan Yaabal Fooca Fan Kaadu Ta Taama Baarisanamih Caddol Qembisneh Nan Taamomi Diggoysak Gexak Baxsa Luk Rakaakay Doolat 500 Hektaar Neh Acayuk Sirray Yabqureenimih Taama Akah Qembisnah Nan Absiiseh Yanim Qaddoyse.

Ta Masnaq 23 Yakkeh Yan Qunxaaneytah Taama Saami Ginak Ta Taama Abeenitih Baxaa Baxsa Le Aydakaakan Kee Taamah Abak Raagih Tabaa Tabsah Baxaa Baxsa Le Baaxoxa Ken Beyoonu Xiqenim Taama Abeenit Abeenih Yanin Yaabal Qaddoysenim Qafarak Mangaffa Rettimah Oyti Yascasse.