Inki Afat Yaabak Inki Qaada luk Faxekkel Faxennal Nanay Inkim luk Qafarrel Elle Walalla Gudgud Gexisaanam Qafar Inki Dagaray Sittak Baxsimam Xiqe Waa Kinnimik Kaxxa Asta Kinni-Cajji Awwal Qarba

Addis Ababa,caxah Alsa 3,2018 (FMC) Qafarre UNESCO akah tankuttubenna wagsiisaak gexisaanah yanin Qafarre koboxuk Fakkenta abeh yan naharsi saqal massakaxxale Cajji Awwal Qarba Inki afat yaabak inki qaada luk faxekkel faxennal nanay inkim luk qafarrel elle walalla gudgud gexisaanam qafar inki dagaray tittak baxsimam xiqe waa kinnimik kaxxa asta kinnim Qaddose.

Qafar yookome kinniimil kulli exxal aydaadi sumaaqitah adam baxi akak radeeh baadal tellemmoh angaaraw xer aydaadul kaxxa baaxooxah sugte baaxooxah garil baddi tellemmol tamixxigem qafarak sugtem baad aydaadi sumaaqita.

Qafarre Qafarak bedu kinnuuk qafarre qafarak luusi maadda hayte baaxo maadisaanam inkih tan qafarih dirki kinnim kassiise.

Qaalamal dadallaye mari elle dadalem inkih lee taraf / qaxa kinnim mango xisneenah aydaadi yablaasem kassiiseh yan naharsi saqal faxe gaysal tanay qafar baaxo leeggadale baaxoy tuxxiq akak yaaxige mari elle titta waah qafar xiinit akak tani kinnim yubluuse.

Baaxo kee qaada inkih kinnaane elle maqarrowta rakisso kinnuuk qafar tanuh baaxo kee qaadah dacrisaanamah nahariino yaceenim faxximta.

Away akah koboxen Qafarre kobol qafarre buxah addak ayyaaquk baad caddol yaskutuboonuuy baadal qafar migaq elle seecoonuuy baxak baxal raqtu wayta abtuy aydaadi akah sumaaqitu waa kinnuuk sidiicaamo kasle qadliinol walalk saffoosen qaada tabsoonuh taamitaanam faxximtaamih farmo Tatruse.

kalifa Kadir