Jabuutih Ummuunok Wahan Gamsah Malaak gifta Macammad Qabdulkaadir kee Naharsi Malaakih kutbeh Buxa Saqal Gifta Najiib Qabdalla kaamil Miraacissa Fayyale Miraaciinih Erga Qafar Rakaakay Culen.

Jabuutih Ummuunok Wahan Gamsah Malaak gifta Macammad Qabdulkaadir Naharsi Malaakih kutbeh Buxa Saqal Gifta Najiib Qabdalla kaamil Miraacissa Fayyale Miraaciinih Erga Qafar Madaqa Galli Maroh Eglak Baritto Kusaq kee Qaada Fanteena (UNSCO) Yatkuboonuh Samara Magaalal Gexsitu waah yan Konforensit yangaloonuh qafar Rakaakayak Qaasima Samara Magalaay Culen.

Tama Erga Qafar Rakaakayak Qeeli Daqar Culen Uddur Rakaakayak Ciggiila Perezxentih Bilhadal Meqe Xiinissoh Kilasterih Koobaahiseey, Doolatak Daddos Xisneenah Reedonih Saqal Gifta Acmad Cuseen kee Tonnaah Rakaakayak Ciggiila Perezxentih Bilhadal Ayyuntiino Cilasterih Koobashiseey, Qaaday, Qunxaaneyta kee Dagar Diig Biiro Saqal Gifta Caamid Dulla Miraacissa Fayya le Miraaciinu kee Daqar Ayyunta Qax Meqe Garayyo Garayyo Keenih Aben.

Tama Erga Qafar Rakaakayih Koobaahissol Qafar Madqa Galli Maroh Eglak Barittooy Kusaq kee Qaada Fanteena (UNSCO) Yatkaboonuh Beerih Ayro caxah alsak 3-5 sanat 2018 I. L. L. samarâ magaalal gexsitu waah Yan Konforensit Yangaloonuh Yemeteenim Qaddowte.

Qafar Abuuk Akaakayyuk Elle Tan Sidiica Gaysal Sitta Elle xiinisak Sugteh Ta Madqa Qafarre Madaqa kinnimih Taagah Ta Qaada Baad Axaguk Yuniskol Akah Tankuttubennah Gexsitu Waah Yan Tama Konforensit Sidiica Gaysal Geytimta Qafarak Miraacinuuy, Tutaxagooy, Diihay leela kee Kasle Edde Angalelem Timixxige.

Ellacabol Tama Erga Samara Magaala Culen Uddur Rakaakayak Ciggiila Perezxentiiy Ardi Biiro Saqal Gifta Qumar Nuur Qarba Miraacissa Fayya le Miraaciinu kee Ayyunta Garayyo Keenih Aben.