Nabah Yan Ramadan Alsa Sittin Qokol Kee Sittin Xuwaawal Tatrusnam Faxximta-Cajji Ibraahim Tuufa
Addis Ababa,Caxah Alsa 9,2018 (FMC)Nabah Yan Ramadan Alsa Sittin Qokol Kee Sittin Xuwaawal Tatrusnam Faxximta Axcuk Itiyoppiyak Islaaminna Caagidah Malah Buxah Prezdenti Cajji Ibraahim Tuufa Qaddose.
Cajji Ibraahim Tuufa Ramadan Alsa Wagsiisak Asaakih Ayro Maybalalqa Yece.
Tama Maybalaalaqal Ramadan Alsa Soomanama Islaminna Ruknittek Tiyak Tiyaya Kinnuk Kulli Muslimiti Akah Somananah Yalli Nel Amrise Alsa Axcuk Yescesse.
Ramadana Inkittinaaneh Alsa Kinnim Yescesse Cajji Ibrahim Tufa Ramadan Alsi qafuutay,xuwaw Kee Ayyuntiino Fantaaxaw Uddur Kinnim Ascassuk Kulli Muslimti Meqem Taamal Akah Tatrusan Innih Farmo Tatruse.
Tonna Kinnuk Gaba Dagoytitiiy Kee Cawlayentitih Maqidda Acayuk Sittin Qokol Kee Yallih Xaaqimtol Akah Tatrusan Innih Kassis Abe.
Prezdenti Inkih Tan Muslimiin Ummattak 1447 Heele Hijra Liggidak Ramadan Alsah Unkaq Yalli Muquk Singufusem Axcuk Meqe Qaago Qaagite.
Ramadan Alsi Salaam Alsa Kinnuk Kulli Numu Bood Kee Ballaquk Akah Yadderen Innih Seeco Tatrusan.
Muslimiin Ummatta Somti Udduru Dumaak Akah Aban Innah Sittin Qokol Kee Inkih Tam Muslimin Ummattal Somti Alsi Qaafiyatay,Salama Kee Ko Kacanu Akah Yakkennah Qaagita Iyyanama Iyye.
Ramadan Alsi Hijra Liggidak Shaqban Alsak 29 Alsa Tumbullek Arbaqah Akkele Ambulle Waytek Kameesih Akkele.