Ogaysime inti^Qaafiyatih Dacayrih Ayfaafih project Qimbisiyyi Taddera Gexsen
Addis Ababa,Caxah salsa 10,2018 (FMC) Amref health Africa in Ethiopia Qafar Rakaakayak qaafiyat biiro kee qaafiyat malakalluk cattiimak ogoysime inti qaafiyatih dacayrih project Rakaakay caddol asaaku qaduuk elle qimbisissa gudgud Gexsen.
Ta aysaxaagal geytimteh tan Qaafiyat malaakak Dalka kalalu kee lowsis diyrektorit dayrekterih tan Hiwot selemun dacarsittoh xiinah tan ummattay inti biyak mangonnal yabbixem xiqa le buxal akah yaffoofennah a projekti kaxxa doori aallelem Qaddosse.
Federaal caddol qaafiyat wagittaamal siiratitte bicisaanaah afkanitte yacenim kee kattat abaanam kinnim takkay immay immay abbinoosaanam kee akah faxximta abinat asisaanam gubal yan dagarih dirki kinnim Yescessen.
Aprojekti akah faxxiima abinal ablsisak ayyunti ayfaafal meqe xalu geysiisuh gubal yan dagar isil tan Dirkik yawqem faxximtam qaddooseeh
Baxsaluk elle qimbisaanah yanin aroocal duddale qarwaay, dakaatira kee ayfaf geysiisaanamal kaxxa taama takkem faxximtam tiysixxige.
Qaafiyat biirok Dalka kalalu kee lowsis dayrekterih yan Acamad Qali Cabiib Amref meqem abittoh egla qaafiyat caddol mangom qokol abak temeetem Kassiisen.
Baxaaluk intiita biyaakih daylah mango uddur gaadu abak baxaabaxsale taqabitteek gexxaamah intiital bulci luksuge maritteetak qamaliyyat abak qaafiyatah tan intiita geysiisaanamal mango taama abak yemeeteenim yubluuseeh Away yaysexeexegen ogoysime inti qaafiyatih dacayrih projekti qaafiyat biiroh caddol aban taamah kaxxa tuxxiq allelem yiysixxige.
Baxsalukuuy away taama elle qimbisoonu waan macammad qakleh hospitaalal sugeh yan mansoofa taqabik ayfaf edde geytimam dubuh hinnay wokkel tan Dakaatirah ixxigah abak raag kee dudda fayya edde haanamal meqe saami edde geytimelem Baxxaqsen.
Woodariifah ayyuntay inti daylah xerbaaxo gexak mango uddur kee lakqo ayyaaquk suge wakti kee lakqo qidaadisak xayikkeek duddale dayla kee ayfaf geyuh kaxxa doorile taama akkelem Qaddosen.
Lakimitteeta elle geytimta dariifaay qaynataay faxxiima xaylih kusaaqaay Dalka kee elle geytimta dariifa leh tan fantaaxawaay tabu kee tabe way elle yan inna dayla abeenit dudda wagittaamal mango kusaq kee fokkaaqo abak geytiman.
Ayyunta addal oggol akah geyanna Amref meqem abittoh eglah awlaytuh yan Macammad Abraar ta project wagsiisaak iyyeemi Inontiiy alaaqa kee qunxaaneyti qaafiyat wagittaamal 33 daqaaral taamitak geytimaanam Yiysixxigen.
Trakomah biyaakih dayla tatre 10 sanatih addat angayyuk abak yemeetenim kassiiseeh projektit awayak inki sanat taamitaanamih ikraaro tanim takkay immay Fooca Fanah baarisaanamih fayxi loonum Qaddosen.
Baxaabaxsale dariifal qaafiyat aroocaay, baritto buxaaxi kee ummatta manguk elle geytimtam xiqta dariifat antifiquk inti taqabile marih fokkaaqo kee meexo abeloonum kee faxsiisah yan dayla macammad qakleh hospitaalal abeloonum Yiysixxigen.
Kalifa Kadir