Naharsi doorol Leeda parti abenno axcuk ummatta foocal yallaay xagana akah culteemik mangom aracat haak geytimtam- Rakaakayak nahari saqal massakaxxale cajji Awwal qarba
Addis Ababa,Caxah Alsa 11,2018 (FMC) Itiyoppiya ceelallo takke baaxo fanah inta itrol Qafar Rakaakayak Leeda missoyna dooro manifesto kee dooroj astah aysaxaaxag gexisse.
Ta aracal geytimaak farmo tatruseh yan Rakaakayak naharsi saqal massakaxxale cajji Awwal qarba dubuh polotiķa hinnammay madduuruk edde garrisah sugneeh, baaxo caddol nel sugte xukko kee abbat baxi netheeh suge cordok ninni duddal edde nassaaqu xiqnem Leeds wakti kinnim kassiise.
Taturte doorol leeda^missoyna abenno axcuk ummatta foocal yallaay xagana akah culteemik mangom aracat hayteh geytimtam kee Fooca Fanah taysem abtuh bical geytimtam yiysixxige.
Ni rakaakayih caddol mango gexe kali net matrem takkay immay gabah tiyah kalalitakaay gabah tiyah taamitak qafar ummatta edde sugteh tan baaca kee xukkok ayyaaquk asaaku qafarak migaq baadal aytiggexxo leeh qafar ummatta sinxe kallacih mari gaba qambaltaamak edde tawqem xiqta caddo maadeh tanim Qaddose.
Geyrime saami diggowak, meqe xiinissoh siirat daabimakaay demokraasih siirat baarisak qimbisneh nan dadal bisoh haynuh qafar ummatta baditekkah isil taysem isih doorittam faxximtam kassiise.
Leeda partiiy abteemil amo anabuk xinta parti hinnay taysem abtuh tikya maqarroosak gexxa gexxa parti kinnuuk away abnem qimbokkah arac maadem ane waytaamih taagah madder kee qidaddol leedde qafar ummatta ginnimtuh gibda taama isik qambaalimtam taaxige missoyna kinnim qaddose.
Leeda missoynak qafar length saqal macammad cusen qaliisa tamakkel abeh yan yaabalaay
Leeda missoyna qusba qaadaay qusba leedaay salaamaay ittalluk alleyyaay inkigid akkiyya kee inkittino baaxo^caddol bahte missoyna kinnim Baxxaqse.
Awayih dooro saayaay salaamay qadlil tikkateh qadliinole doolat xissimtu yaakume bicak gaba kaleenih geytimaanam Yiysixxige.
Ismaxiqata dacarsittoh xiinakkah akak axcuk sugen qafar baaxo fayyale caddol edde miraacisak geytimta iddurut nan iyyeh yan gifta macammad cuseen Inji doolat takkem xiqtah akak iyyen caddo qafar edde maaddem leedah uddur kinnim yubluuse.
Qafar away baad caddol lehtan ayti gexxo kee abtah tan dadal salacewaytuh ayyunti isi partih xaqut gacak tamaate dooro saay kee salaamaay qadliinol takkuh ayyunti isi dirkik yawqem faxximtam kassiise.
Kalifa Kadir