Meqem Abittoh Egla Nabah Yan Ramadan Alsih Soom Sabab Abak 1.8 Millionuk Daga Takke Lakqot Maqiddi Qokol Abte
Addis Ababa,Caxah Alsa 15,2018 (FMC) Salaam Rabak Nuwayya Egla Samara-Logia Magaala Edde Baxaabaxsale Daqoortil 400 Daga Takke Gaba Dagoytith Yan Baxaabaxsale Ayyunti Exaxi 1.8 Millionuk Daga Takke Lakqot Maqiddi Qokol Aben.
Ta Meqem Abittoh Egla Saqalah Yab Gifta Qabdalla Getachaw Elle Qaddoyseh Yan Innal Ta Egla Taturte Sanootah Addat Baxaabaxsale Ayyunti Exaxik Koobahisak Qayxixa Kee Addha Yan Culenta Le Baxaabaxsale Ayyunti Exaxi Maqidda Kee Maqidda Wagsisak Qokolitte Abaj Ayyuntiino Dirkik Awaquk Yeemeteh Yanim Qaddoyse.
Egla 1447 Hayto Nabah Yan Ramadan Soom Sabab Abak Ta Ayyunti Exaxi Soom Alsa Calwayte Kalah Tatrusonuh Xiiqmtuh Abak Yekkeh Yan Maqiddi Qokol Kinnih Tanimit Yaabe.
Yekkeh Yan Qokol 400 Daga Yakke Ayyunti Exaxi Tuxiq Arac Xagsam Xiiqa Ta Qokol Maalu Fan Korsan Uddur 1.8 Million Amo Takke Lakqo Kinnih Tanim Eglak Saqal Yescesse.
Qokol Akah Abeenim Samara -Logia:-Dubte:-Aysaqita:-Sifra Qaddaqar Edde Anuk Baxaabaxsale Daqoortil Geytima Gaba Dagoytit Kinni.
Qokol Akah Abeenih Yaninik Addat Logia Footima Teyak Teyna Kinnih Tanim Kee Footima Saqal Gifta Nassir Macamamd Iyeemih Ta Egla Baxaabaxsale Ayyunti Exaxi Culenti Addah Akak Yanih iyyah Baxaabaxsale Maqidda Kee Sartan Qokol Abak Yemeeteenih Yaninim Qaddoyse.
Ta Meqem Abtto Abinitte Ayyuntak Ayrok Ayro Taqabi Raaqisma Xiiqah Yan Meqem Abtto Kinnih Tanim Qaddoyse.
Ta Footima Ta Eglah Faxximah Yan Qokol Abeleemih Yaninim Yescesse.
Qokol Akah Aben Ayyunti Exaxi Keenih Abeenih Yanin Maqiddi Qokol Ayrok Ayro Taqabi Keenik Yafdigem Xiiqah Yan Kinnih Tanin Kee Qokol Keenih Abeh Yan Dagarah Gadday Gacsen