Lee Xayyos Kee Cayxiititte Ayfaafayi Maysarraqa Waqinaak Qimbisele

Addis Ababa,Caxah Alsa 18,2018 (FMC) Addis Ababak Leeh Cayxiititteh Reedon Leeh Xayyos Kee Cayxiititteh Ayfaafayih Maysarraqa Madruurwah Waqinak (Onlinih) Qimbiselem Yiysixxigen.

Tama Reedoonuk Ayfaafay Langil Ciggiila Saqalah Yan Gifta Muges Areggaw Yeceeh Yan Maybalaalaqal: Tama Reedon Madruurwak Oyta Elle Hirigaanah Tonnah Madruuwa Oyta Elle Geytam Xiqtah Tan Tirasformoshin Siirat Aracat Heenih Geytimaanam Qaddoyse.

Tama Siita Duma Tunkuttubeh Tan Sanaditte Xijitaalayzix Abam Xiqah Yan Sistemiy, Qusbih Tankuttubeh Tan Maritte Elle Yanin Rikek Walikke Gexe Klah Ayfaafay Akah Geyan Innah Xiqsiisa Siirat Kinnim Yescesse.

Awayih Uddur Inki Aracal Gabbati Akak Akkuk Geytimtah Yanim Kee Inki Sanatih Addat Inki Tanuuk Abbinoowelem Baxxaqise.

Tama Teknoloojih Siirat Madruurwa Maysarraqa Abtah Tan Wak Sissikiih, Culenta Dagoh Yan Siiratay, Gita Maliinooh, Caxitah Tan Lee Lowsiisaah, Tonnah Ayfaafay Geyak Lakqo Mekele Sissinih Tan Maritte Elle Lowsiisoonuh, Xiqsiisa Siiarat Kinnim Baxxaqisen.

Tama Siitar Madruurwak Weeqa yafdigem Xiqah Yan Siiratay Ux Waktih Addat Culenta Yaskattoonuh Kaxxam Bica Le Kinnih Tanimiiy Yiysixxigen.