Rakaakayak Qaafiyat Biiro Yaabuken Way Dagar Erkanna Luk Taabuke Maritteh Ayyam Wagsiisak Hangisso Gudgud Bicisse.
Addis Ababa,Caxah Alsa19,2018 (FMC) Ta Gudgud Qaafiyat Malaakay, Qaafiyat Biiro Kee HOPE Deqsitta Meqem Abittoh Egla Sitta Luk Cattiimak Bicissem Tamixxige.
Ta Gudgudut Qaafiyat Biirok Miraaciini Makaadoh Adoytiitiy, Qaafiyat Malaakak Temeete Awlaytitiy, Baxaabaxsale Maktabittek Temeete Awlaytiitiy, Diini Abbobti Kee Rasi Kasle Edde Tengeleh Sugtem Kassisen.
Ta Gudguduk Lafale Hadaf Baad Caddol 3tô Adda Yassakaxxen Yaabuken Way Dagar Erkaana Luk Taabuke Maritteh Ayyam Wagsiisak Bice Hangisso Aydakaakan Kinni.
Yaabuken Way Dagar Erkaana Luk Taabuke Alaaqa Kusaaqisak Ken Yaaxigeenim Kee Faxxiima Dayli Ayfaf Keenih Acayuk Gibdaabinak Ken Cattaanam Faxximtah Tanim Tamixxige.
Tama Aracal Geytimak Yab Abteh Sugtem Qaafiyat Biirok C/Saqalah Yan Gifta Witikka Noore Kinnuuk Iyyeemih Yaabuken Way Dagar Erkaana Luk Taaubke Maritte Ummattah Addal Mangom Takkay Immay Isinni Yaybooqoreenimih Caaloota Tanim Kee Toh Kaadu Misenkeca Taqabi Keenil Katassam Kinnuuk Uguugus Taamoomi Abak Yaabuken Way Dagar Erkaana Le Maritte Dayli Ayfaafah Akah Yamaaten Innah Uguugus Taama Diggoowak Gexxam Faxximtam Kassiise.
Ciggiilak Kaadu Biiro Saqalih Bilhadal Rakaakay Abbah Fayu Abeenah Yan Gifta Macammad Cummad Yaabuken Way Dagar Erkaana Luk Taabuke Maritte Kaxxa Hangi Faxaanam Kinnuuk Uguugus Taama Nabam Takkem Faxximta Axcuk Yaabem Rakakayak Qaafiyat Biiroh Oyti Yascasse.