Itiyoppiyal Taturte Milaagi liggiditteh Addat Sayyo Tuxxiq Diggosoonuh Mangoh Tan xaloot le Taamoomi Tekke.
Addis Ababa,Qado Dirri 3,2018 (FMC) Itiyoppiyal taturte milaagi liggiditteh addat sayyoh Tuxxiqe diggoosnuh mangoh Tan Taamoomi Abbinoosak xaloot Elle Ambullayuk Geytimam Federeeshin Malah Buxak Ciggilta Caxah Afteena Tan Zahara Cummad Qaddosse.
Qafar Rakaakayak Sayyo Kee Ayyuntiinô Caagiidah Biiro Samarâ Jaamiqatalluk Cattiimak Baadak Sayyoh Ayro Baaxoh Caddol 50 Haytoh addah Sayyoh Xongolo Inki Gid Akkiyyal Leedimte Itiyoppiyah Intah itrol paanal walal Assakaxxuk Geytiman.
Tama Taddeerah Tengeleh Tan Federeshin Malah Buxak Ciggilta Caxah Afteenah Tan Zahara Cummad Inteemih Itiyoppiyal taturte milaagi liggiditteh addat sayyoh Tuxxiqe diggoosnuh mangoh Tan xaloot le Taamoomi Tekkem qaddosse.
Tonnah Baadak Sayyoh Ayro Yassakaxxeenim Sayyo Gar dacrisoonuy sayyo Cakki Esserak ew
Raddi Yacoonuh Kaxxa Doori Digrtem Kassisen.
taturte milaagih Liggiditteh Addat sayyoh daddosih eglaalih xissimtem caxaaxuwi aracay,abud ayfaafayittey dacarsittoh xiinah Tan Sayyo uwwaytih ikoytiinih keenik diggoosanamih Taamoomi Tekkem Baxxaqise.
Rakaakayak Sayyo Kee Ayyuntiinô Caagiidah Biirok Ciggilta Saqalâh Tan Gifti Nasro Qudda
Sayyo Tû Taaxago Sayyo Taqbitteh Yafdigoonuh kaxxa doori digrak geytimaanam qaddosse.
Qafar Rakaakayih Caddol sayyo Ayyuntiinoy Qidaddo Kee Siyaasah Gabah Assagolla Kee Tuxxiqitte dadalisak Geytimaanam Ascassuk Sayyo Eglaali Kee Sayyo Daddoosih Eglaalih caddol Takke Taamitak Geytiman.
Samarâ Jaamiqatak Fokkaaqo Kee Teknoloojih Tabaatabsak Ciggiila Prezdentih Yan Adem Qali isil katuk iyyeeemih Sayyoh baad Caddol akah angicilluk Sayyoh Essero Raddi Akah Geytinnah Abeenim Ascassuk Sayyok Ayyuntiinoy Qidaddoh kee siyaasa Tuxxiqitte Akah diggoosan Innah Abeenim Qaddoose.
Sayyo Jaamiqat Barseenit Yakkeenim Dubuk Hinnay Foocâ Fanah Taamate Horal Sarrriino cubbit haak Mablooli xayyoosak Kaxxa Doori Digirta Mirocti Tanim Jaamiqatak Sayyo Kusaq Abeenit Eglah Prezdentih Tan Saqaada Nuuru Qaddosse.
Sayyoh tû Taaxago sayyoh cakkiy nadoh inkigid akkiyya Diggoosonuh keenil Tan qaaqak awquk Faxxiimah Yan Doori Digraanam faxximtam kasiissem