Rakaakayak Doolat Angaarawih Biiro Wakti Caalat Wagsiisak Maybalaalaqa tece.
Rakaakayak Doolat Angaarawih Biiroh Saqal Gifta Macammad Qali Biqdo Wakti Caalat Wagsiisak Maybalaalaqa yece.
Ta Maybalaalaqal Efederih Doolatak Ciggiila Naharsi Malaak Gifta Temesgen Turuneh Miraacisa Federaalak Fayyale Miraacini Rakaakayal Akkuk Geytima Daddos Fanteenanit Gufne Abeenim Yiysixxige.
Rakaakay Caddol Akkuk Geytimta Milaagi Xalootih Taamoomik Axcih Daddos Fanteenanit Ciggiila Naharsi Malaak Gifta Temesgen Turuneh kee Qafar Rakaakayak Naharsi Saqal Massakaxxa le Cajji Awwal Qarba Miraacisa Federaal Kee Rakaakayak Fayyale miraacini Gufneh Abeh Yanim Qaddoose .
Ta Erga Rakaakayak Caddol Akkuk Geytimta Daddos Taamoomiiy,Samarâ Magaalal Akkuk Geytima Koriixer Daddosih Gufne Abenim Qaddoyseh Yan Gifta Macammad Qali Ta Gufnel Intih Tambullee Assakat Le Taamoomi Yubleenih Yaniinim Qaddoyse.
Rakaakay Caddol Malciin Heele Agat Doorok maysarraqa Inkih Tan Dooroh Fanteenanil Saay Kee Salaamal Akkuk Geytimtam Qaddoyse.
Qado Darrik 24 Nabah Yan Asaqassaabê Karawwad Itiyoppiyah Xayaloh inkitinaanel Daabime Karawad Edde Dooqaysime Udduur Kinnim Gifta Macammad Qali Biqdo Wakti Caalat Wagsiisaak Yece Maybalaalaqal Qaddoysenim Rakakayak Doolat Angarawih Biiroh Oyti Yascasse.