Itiyoppiya Qusba Qaagoh Gexsoh addat Tan .

 

Qado-Dirrik 24 Sanat 2010 Liggidak 21 Hayto Boolih Sanatat Itiyoppiya Qusba Mafdaga Fan Edde Culteeh, Baaxo Qusba Qaago Xagana Edde Geyte Udduur Kinnih Tanim Itiyoppiyak Doolat Angaarawih Ayfaafayih Malaak Qaddoose.

Tama Ayro Itiyoppiya Luk Sugteh tan Exxaaxi Mango Madduuruuy, Siyaasa kee Ayyuntiino Taqabik Ayyaaquk Ifu le Qaago Fan Edde Cultu Xiqte Audaadi Ayro Kinni.

Qado-Dirrih Alsaay 2010 Liggidak Ilaa Qado-Dirrih Alsaay 2018 Liggidih fanat Yanih Yan 8 Milaagi Sanootah addat Ni Baaxo Itiyoppiya Abbinosseh tan Xalitteey, Kak Taturteh tan Uma Aqayyaareera kee Xisseh tan Milaagi Gexo Itiyoppiya Luk Sugteh Tan Diglo Bohoyuk Ayyaaquk Dudda Le Mafdaga Fan Tabisu Xiqeh Yanim Tamixxige.

Tama Gexsoh addat Sabriiy, Meqe Qaago Kee Xaggiime-sinni Muddaqiino Linom Baad Ummattah Aytit Edde Hayneh Nan Udduur Kinni.

Asaaku Tanih tan Siyaasa Booxa Qado-Dirrik 24 Xalu Kinnim Qellu Sinni Tiya Kinnim .

Mabla Milaagu Ruftot Oggolaah, Fan Kee Derre Siyaasah Baxsa Cabak Inittinaane Diggoosaah, Tonnah Sinam Siitak Baxissa Caglan Daalisso Qakkoosak Baaxo Inkitto Abah Yan Yangalen Daalisso Arac Edde Geyteh Tan Udduuruy Kinni.

Agat Tuxxiiq Kee Amni Yaysukumeeh , Baaxo Xaylot Hangi Hayta Xibloomaasi Katayaah, Cuggaane Baaxooxah Aakam Yace Siyaasa Gexsit Itiyoppiya Edde Geytem Tama Wakti Kinni.

Milaagi Yekkeemiik Xabba-haanam Siyaasa Booxa Kah Tafiddi-nenna kee Baaxok Mabbalow Gexso Fidin Gurral Abbinoosanamak Ugutak Tabaatabsi Qadli Nummaateh Yanim Diggoosen .

Federeshin Malah Buxah Adoytiitih Tan Rakaakayitte Kee Magaalol Xiinissoosa Isinnih Isinni Xiinisaanamih Gar Abinah Edde Geeniih, Anaakarta Siyaasa Missoynaani Curriino kee Gaanuunul Kah Qalalan Innah Fido Fiddinteh Geytintam .

Doolat Yasgalle Siyaasa Siirat Arac Xaguh Ixxigal Rakuh tan Maaqattooti Beyak Anaakarta Siyaasa Missoynaani Kaabine Caddook Taturak Kulli Caddol Reeda Keenih Acayuk Baaxo Siita Luk Miraacisoonuh Saami Ginniimeh Geytimam Tamixxige .

Tah Kaaduk Itiyoppiya Milaagi Yekke Baraak Wadirih Siita Baysiyyi Siyaasak Awquk Siita Qoklaanamih Siirat Diggoosak Ximokraasi Gexsit Abbinoowak Geytima.

Qado-Dirrik 24, Itiyoppiyak Madduur Diglo Xayla Edde Geyteeh, Qusba Dadak Mafdaga Edde Qimbisinte Udduur Kinni.

Ni Baaxo Itiyoppiya Baxaabxsa Le Kabxah Abuuditteh Taagah Corood Bahteh Sugteeh , Canga Fayxih Madduurih Sabbatah Gino Gadda Lih Yamruteenimih Dudda Sinnuk Sugteeh, Doolatak Abbinoos Duddih Wayti Baaxo Finqah Beyam Xiqa Caddo Gufeh Sugem Tamixxige .

Milaagi Doolat Tabisle Cayla Le Baxsa Argiquk Itiyoppiya Qusba Qaago Fan Edde Dadlisoonu Duudeenih , Qusba Qusba Kabxah Abuuditte beyaanam Axxeeruk Sugteh tan Abuuditte Cayla le Xibloomaasi Rakiibo Abak Der Udduurih Mekla Fan Yayxeereenim Xiiqintem Tamixxige .

Kulli Caddol Abbinoowak geytinta Baaxoh addah Madduur Milaagitte Buqreek ilaa Mangaafa Madduuruh Hangi Acayuk Baaxo leh tan Gino Gaddat Yantifiqeenim Qimbisseh Geytinta .

Itiyoppiyak Nabah Yan Asqassaabe Karawwad Edde Anuk Kaxxa Kaxxa Cugaysoosa Luk Sugteh tan Abbinoosiyyi Taqabik Ayyaaquk Gaba Kalti Kak Abak Dooqaysaanam Xiiqintem Tamixxige .

Itiyoppiyak Nabah Yan Asqassaabe Karawwadak Tattabat Mangoh tan Cugaysoosa Dooqaysak Itioppiya Qusba Madduur Gexsoh addat Cukteh Geytintaah, Tah kaaduk Baaxo Leh tan Curriinoh Aydaadu kee Madduur Dagarraq Itta Luk Asgaarawuk Baad Caddoh Gudgudittet Ayti Gexxo Kah Tallennah Abaanam Xiiqinte .

Asaaku Itiyoppiya Dagoo Baaxooxah Abbobti Gufneh Kah Tamaate Baaxo Hinnay ,Ayyaamat Kaxxa Kaxxa Baaxooxah Abbobti Arcibisak Xibloomaasih Caddol Ceelallo Takkem Xiqta Baaxo Tekkeh Geytinta .

Tahat Axaw Luk Qado-Dirrik 24 Itiyoppiyah Magaalol Qagitaak Edde Toobokeeh, Milaagi Doolat Magaalol Qasriino Fan Korisak Saytuniih, Sissik Ayfaafay Tacem Xiqta Dudda Le Rakiibo Daddoosih Fanteenit Kah Yakken Innah Fidin Taamoomi Tekkeh Geytintam Tambulluye .

Korixeer Daddoosih Sabbatah Magaalol Qusba Fooca Leeh, Qasriinooy, Xijtaal Caddol Teknolooji Rakiiboh Le Hora Ginnimtuh Baxsa le Taamoomi Tekkeh Tanim Tamixxige .

Tahaak Taturak Madduur Sittin-qokol Kah Diggoowa-inna Dumak Yayse Gurral Baaxo Kacanuuy, Inkittinaane Hadafah Le Mabla Baarimteh Geytinta .

Taturte Sanootah Nel Aafuk Temeeteh tan Binaadanti Baxi Gina Taqabiiy, Gino Taqabitte Siita Luk Kalalaanamih Qaada Digga Luk Edde Tumbulluyeeh, Qabar Kee Baaxoh Angoyyaay, Ardi Futcet Biyaakitte Baaxo Xayloh Yekke Qokol Takah Asta Kinni .

Itiyoppiyak Leeda Gexsot Adaf Yakkoonuh Iro Cayla Luk Qokkolsimak Carbi Gintah Tan Ganeenitit Inkih tan Itiyoppiyah Ummatta Koositteeh, Naharsi Malaak Dr Abiyyi Acmad Isih Miraacisak Difaaq Edde Culeh Yan Aydaadi Udduur Taturteh Tanim Kassitna .

Amoladih Itiyoppiya Taturte Dagoo Sanootah Siyaasaay, Madduuruy, Cayla Kee Maaqadak Isih Isi Xiqaanamih Caddol Tekke Baxsa Le Taamoomi Edde Anuk Kooraan Caylat Axaw Luk Tekkeh tan Taamoomi Baad Ummattah Ceelallo Takkem Xiqtaah, Qimbot Kooraan Caylat Gexxa Kokkobitte Baaxo Culsaanam Away Yanih Yan Sirglele Taqabih Isikkeh Calli Tekkeh Tanim Tamixxige .

Faxe Qaynatal Baaxoh adda Kee Irok Aqayyaareera Nel Tambaggeemih, Itiyoppiya Away Abtah Tan Dadal Gexsot Adaf Yakkeenim Gibbataanamah , Itiyoppiya Away Dudda Leeh, Xaggiime Sinni Makcagguur Arcisseh Geytinta .

Dadalak Temeeteh tan Xibloomaasih Xalitteey, Cayla Baahak Geytinta Madduur Gexso Agiirah Tan Tet Xayloh Xiiq Kee Sabrit Bisoh Axcuk Gexeleeh, Asaaku Milaagi Rakiibo Baarisaanaah, Diggoosaanak Tatruak Isinnil Yaamineenimih Caddo Gufteh Geytintam Dibub Hinnay, Ciggilta Dagoo Sanootah Addat Afrikak Leeda Ceelallo Yakkeenim Arac Xagisaanam Kee Tah Kaaduk Milaagu Aracat Hayteh Tan Itiyoppiyah Xayloh Gabat Abbinoosaanam Xiiqintam Bohoy Sinni Tiya Kinni .

Qado-Dirrik 24 Sanat 2018 I. L. L.

Federaalak Doolat Angaarawih Ayfaafayih Malaak