Angagayyuk Taamitta Qaafiyat Ayfaafih Guddusiyye Baarisoonuh Hangi Akah Acyuk Taamitak geytiman

Addis Ababa Qado-Dirrak 24,2018 (FMC)Angagayyuk Taamitta Maaqidda Kee Qaafiyat Buttak Xiinisso Elle Diggoysaanam Duudan Gurral Mabbalow Gudgud Gexsitak Geytima.

Qaafiyat Biiro Angagayyuk Taamitta Maaqidda Kee Qaafiyat Buttah Caddol Abak Geytimta Lafale Taamoomi Wagsiisa Gabbaaqi Xayyooweh Sugem Tamixxige.

Tonnah Kaadu Qaafiyat Malaak Ta Angagayyuk Taamitta Maaqidda Kee Qaafiyat Butta Diggoysaanamih Caddol Keenik Qambalsimta Taamoomi Wagsiisak Kutbeyta Xayyoossenih Sugeenim Kassise.

Tama Aracal Xayyoowak Maacisse Gabbaaqul Baar Le Walal Abak Maaciseenim Kee Angagayyuk Taamitta Maaqidda Kee Qaafiyat Buttak Xiinisso Elle Diggoysaanam Duudan Gurral Mango Abak Raagitte Xayyoowak Mabbalow Walal Gexsitak Maacisem Baxxaqse.

Tama Aracal Geytimak Yabti Fakkenta Abtem Qafár Rakaakayih Doolatak C/Prezdenti Kee Ardi Xiinissoh Biirok Saqalah Yan Massakaxxale Qumar Nuur Qarba Kinnuk Iyyeemih Yemeete Qibnak Unkaq Muquk Temeetenim Iyyeek Gamadal Angagayyuk Taamitta Maaqidda Kee Qaafiyat Butta Ni Ummatta Yayse Qaafiyat Siirat Geytuh Kaxxa Doori Lem Kinnuuk Ken Baarisaanam Kee Ken Diggoysaanamih Gexsit Diggoowak Gaxam Faxximta Axcuk Kassiise.

Tonnah Kaadu Qaafiyat Biirok Saqalah Yan Massakaxxale Yaasin Cabiib Yemeete Qibnak Unkaq Muquk Temeetenim Iyyeek Gamadal Angagayyuk Taamitta Maaqidda Kee Qaafiyat Butta Ni Ummattay Dacarsittoh Xiinah Tanih Adda Fan Oobak Abak Geytiman Taamoomi Maqarrosnuh Ogaysimiyyale Gurral Sitta Luk Cattiimak Diggoowak Gaxenno Axcuk Yaabem Rakakayak Qaafiyat Biiroh Oyti Yascasse.