Sarrimaane le daddos arac xaguh Naharsi malaakih buxah inah kutbeh buxa abbinosseh tan cugaysoosak tiyak teena gaqammo kee burri fabrikaaki xisak ayyuntah ayfaf yaceenim kinni.
Addis Ababa,Qado Dirri 29,2018 (FMC) Tah wagsiisak ta kutbeh buxa ni baaxok baxaa baxsa le dariifal 14 takke gaqammo kee burri fabrikaaki xisak ayrol 300 alfih gaqammoo kee 420 kuntal yakke burri yayyaaqeenimih dudda le fabrikaaki ayyuntah dago limot ayfaf acayuk geytimtam tamixxige.
Ta kutbeh buxa tama fabrikaaki isinni murtitte ayyuntah addah yan mellebih akah xayyoosan innah macgaggur gita bicisak geytimaanam warsan.
Tahak Ugut Abak, Fabrikaaki Elle Geytimta Aroocal Sirray elle akah murtisan innah arooca akah bicisaanam kee satqo wagittam keenih, missoysak, Isinni Akah Duudannah Abak Geytimaanam Qaddoosen.
Qafar rakaakayal xissiimak ayfaf taceeh tan Semera Berhaan Gaqammo kee Burri Fabrikah bicisen 500 hektaarak qimboh exxal 100 hektaar yakke ardil sirray yubqureenim kee 2000 kuntal yakke sirray murtimtem tamixxige.