Sanaaqattâ Sekter Agat Amô baxaqah Ajenxa – Naharsi Malaak Abiyyi Acmad (Dr)

Addis Ababa,Qasa Dirri 7,2018 (FMC) anaaqatta Maduuruk mukuc lafa Kinnim kee Bicisiyyi Luddal Murti Osisiyya kee Sarimanele Maduur Rakissoh Tabaatabsa Baahoonuh Lafale Kokobissô Taama Kinnim Naharsi Malak Abiyyi Acmad (Dr) Yiysixxige.

Naharsi malak Abiyyi Acmad Elle Yescesseh Yan Innal Itiyyobiyak Boroxkasting Korporeshin Lih Luk Sugeh Yan Udduurul ” Sanaaqatta Madduuruk Mukuc Lafaay, Baaxô Dadalak Asaasa” Iyyek Gamadal Sanaaqattâ Sekter Agat Amô baxaqah Ajenxa Kinnim Qaddose.

Tama sekter kaxxa doori digirta gersi sekterittek muxxi fayyale mexxat le murtisso ux waktih addat ayballayuk geytimtah tanim yescesse.

Naharsi Malaak elle yescessennal manufakturingih tuxxiiqitte qidaddo qasin mansoofa xayyoosak nihir osisaanam fanah akah gexannah xiqsissa.

IFDRih Doolatak Naharsi Malaak Elle Yescesenal Qasin Duyye Irô Baaxo Ruubak Bunaay, Dahab kee Litiyem, Murtittel Bicisen kee Nihir Osisah Yan Murtitte Baad Qadaaga Fanah Qalayli Diggoowele.

Naharsi Malaak Iyyeemih Ta Luddal Catele Dumaahih Wadirih Raqtam Bayisuh Qasri Teknolojih Gino kee Qusba Gino Isi kee Gersi Luddal, usuk iyyemih ta sekter kaxxa doori digirta baar le taamah saamitte ginaanamal.

Baaxo Maaqidday, Sara kee Diwata Isih Murtusaanam Duddah Isi Amobaxaqa Dacrisanam kee Rakiibô Fayxite Kiboonuh Faximtah Tanim Yescese.

Awayih Uddur Ta Luddal Baaxoh Addah Qadaaga Buulumtuh Baxsale Hangi Cayuk Iro Fanah Yayyaaqeenimih Dudda Akah Yaysiisen Innah Abak Geytimaanam Qaddoosen.