Rakaakaya Doolat Ummattak Mannoowiyya milaagitam Duddah Tan Daddos Taamoomi Abbinoosak Geytiman- Rakaakayak Naharsi Saqal Shimelis Abdisa

Addis Ababa Qasa Dirri 7,2018 (FMC) Oromiyah Rakaakayih Doolat Ekraaru Akah Daffeesak Ummattak Mannoowiyya milaagitam Duddah Tan Daddos Taamoomi Abbinoosak Geytimaanam Rakaakayak Naharsi Saqal Shimelis Abdissa Qaddoose.

Oromiyah Rakaakayih Doolat Kee Missoynak Sidoc haytoh Rubqih Sanat Abnisso Kusaq Bishoftoh Magaalal Gexisak Geytiman.

Tama Kusaq Gudgudul Oromiyah Rakaakayak Saqalah Yan Gifta Shimelis Abxisay Oromiyah Rakaakayak Majilsik Caxah Afteenah Tan Gifti Saqaada Qabduracmanay Oromiyah Rakaakayak Leedâ Missoynah Luddih Kutbeh Buxah Saqalay Ya Gifta Fefyalew Tefera Kee Kalah tan Rakaakayak Fayya Le Saqolti Edde Tengele.

Rakaakaya saqal Elle Qaddosennal taturte liggiditteh addat Qaduuk ekraaro Akah Daffesak Ummattah Mano Milaagitam Dudda Daddos Cugaysoosa Akkuk Geytimtam Qaddoose

Inkih Tan Langittel Milaagi Taamoomi Akkuk Geytimita Ascassuk Baxsaluk Rakiibo Daddosih Cuggaysoosa Caddol Assakat le Taamoomi Tekkeh Tanim Kassise.

Ta koboxul taturte sagla alsitteh addat doolat kee partik Taamah Abnisso kee Gabbaaqu Elle Xayyoosak Taamal Tumubulluyeh Tan Kulsa Kee Coocitte Baxisak Fooca Fanah Elle Taamitoonu waana Inna Wagittaamal Afkanitte Daffeese loonum Yescessen

Tonnah ossotinah Rakaakayak 2019 Ekraaru elle xayyoosak Magaaloluy Rasittey Daqooriti Mirraacin Edde Angaluk Kussaaqisak walal Elle Gexise Loonum Qaddoose.