Ameerika Awlisak Walalat Tangaluwayta Butta Islambad Fanah Gexak Iraan Lih Walaleloonum Prezdenti Domando Trump Yiysixxige
Addis Ababa,Qasa Dirri 11,2018 (FMC) Ameerikah Prezidanti Donald Trimpi Ayyuntiinô retteemal Tatruseh yan farmol iyyeemih Iraan Hormoz Dariifat Tatrusseh tan margaqa tekkeh tan girâ soolot saduh tanim kinnim kee Faransaa kee Ingiliiz maraakibit Gira toogoreh tanim Qaddose.
Iraan kee Ameerikah fanal yekkem faxah yan walalal sittin gey abe weenik Iraanak Koon fanteenaanii kee Holholet maysattaka akkelem Donald Trumpi Yescesse.
Donald Trumpi elle qaddoosennal Ameerikah Awlissah tan erga Paakistaanak Inaytâ magaala fanah gexoonuh bicsitak geytimaanam kee Beerô bar Paakistaan fanah safareloonum kee Iraan ergâ luk walal gexiseloonum Diggoose.
Donald Trumpi Tatruseh yan oytal iyyeemih Iraan Hormiz gita Alifeh axcuk Oytitte ayyaaquk geytimtam takkay immay Ameerikah doolat Iraan Marsoosaa kee Iraan Badat katlâ xibix Tabbixem qaddoosak Iraan Hormoz gita aliftam Aaxigekkah Ameerikah Qandeh Qokolak geytimtam kee Iraan Ayrol 500 milyoonih dollaarih Khasaara tet taafeh tanim Yiysixxige.
Donald Trumpi abeh yan yaabal iyyeemih Hormoz giti Alfimaamah Ameerika Taafeh tan Khasaara ane waytam qaddoose.
Ameerikah doolat Qadli le sittin gey abtam faxxam kinnuuk Iraan Erga Toh oggoltam faxximtam Aysixxiguk Iraanak Walal erga Toh oggole waytek Iraanal eneyya inta Kooraan fanteenaanii kee Inkih tan kaxxa kaxxa Holholittet maysattaka abak finqiselem kee Iraan Xinto Sissiguk Annikisselem asacassuk Iraanal faxximma inta maaqatta beeyyo axcuk Yabbe.