Addis Ababah Magaalah Xiinissoh Kaabine Baxaabaxsale Margaqooqi Tatrussem.
Addis Ababa Qasa Dirri 13,2018 (FMC)Addis Ababah Magaalah Xiinissoh Kaabine 5heele Taamâ Dabaanak 15heele Madabiini Kobox Asaaku Gexissem.
Kaabine Asaaku Gexisseh Tan Koboxul Xayyowte Ajenxaaxil Walaleenik Lakal Baxaabaxsale Margaqooqi Tatrusen.
Tahak Ugutak:-
Addis Ababah Magaalah Xiinisso Maysaasa Edde Abeenih Yanin Maaliyyah Xiinisso Duddalennal Qasriino Fan Korsoonuuy, Esserimiyya kee Gexsit Qidiino Maqarroysoonuh Missoysen Edde Xinti Qaguntal Walalak Faaticisen.
Magaalal Xissiimak Geytinta Baarle Buxaaxi Daddos Yayse Abnisso Yaalluuy, Buxaaxi Korporeshinih Milaagu Maqarroysaanam kee Abbinoysaanamih Dudda Dadlisoonuh Missoysen Edde Xinti Qaguntal Walalak Faaticisen.
Ardi Baarisso Esserte Qiki Murtitte Tamrute Inxastiritteey, Qunxaanyetah Taamah Hadalte Gugaysoosaay, Huteelwaay, Tonnah kaadu Magaala Xiinisso Diini Fantenaanillih Gacak Tekkeh Tan Walalittel Ugutte Meqe Xiinissoh Esseroora Yafdigoonu Xiqsissa Ardi Madabah Tabisoonuh Xayyowte Mablal Walalak Kah Abbinowtannah Faaticisen.