Sayyo Kee Ayyuntiino Caagiidah Biiro Unicef Luk Cattiimak 5 Takke Daqooritil Binaadamiino Qokol Abtu Wayta Cugaysok Aysaxaaxag Gudgud Gexsen.
Addis Ababa,Qasa Dirri 14,2018 (FMC)Rakaakayak Sayyo Kee Ayyuntiino Caagiidah Biiro Unicef Luk Cattiimak 5 Takke Daqooritiy Qabaar Raat Edde Cabeh Yanil Binaadamiino Qokol Abtu Wayta Cugaysok Aysaxaaxag Gudgud Samara Magaalal Gexsen.
Baxsa luk Tama Koona Daqaar Afambooy, Konnabaay, Bixuuy, Awash-Fanti-qaleey, Buurimoodaytu kee Kiilalli Daqoorit Kinnih Tanim Kee Tama Qokolut 5 Alfiik Daga Yakke Mari Edde Antifiqelem Warsen.
Gudgudul Geytimaak Yab Abteh tan Rakaakayak sayyo kee ayuntino cagidah biirok Naharsi saqalah tan Gifti faatuma Macammad elle Qaddosseh Tan-innal unicef Ethiopia Xiqsitta Cugayso luk catimak konoy yakee Daqooritiy qabaar Raat Edde Cabeh yanil Mannoowa ayyuntah Takku Wayta Qokol Taamoomi Wagsiisak Missoowe Gudgud Kinnih tanim Tescesse .
Gifti fatuma Macammad Qagitaak Inteemih ta qokol akah faxxiima dagortil Ayyuntah Saani Guftuh Caagiida Wagitta Dagorti Kattat Kee Lowsiis Abtam Faxxintah Tanim Ascassuuk Awayih Ibak Qokol Maade Weeh Yan Daqoorit Gufsoonuh Fidin Taamoomi Abeloonum Diggosse.
Ta gudgudut Tengeleh tan Daqooritik Caagiida Wagitta Dagorti Ken Dariifal Tanih tan Muhimmi Faxxa Caagiida Qaddoosak Unicef Abtah tan Qokol Taamoomih Macal Yassokooteenih Yaniinim Missoyna Luk Boor Kee Bagu Akkuk Taamiteloonum Baxxaqisen Qafárak Mangaafa Rettaamih oytal Nummase.