Qaafiyat Luddal Osak Geytimta Taqabitte Yafdigoonuh Artifishaal Intelejensi Kaxxam Faxximta – Naharsi Malaak Dr Abiyyi Acmad
Addis Ababa,Qasa Dirri 15, 2018 ILL (FMC) Naharsi Malaak Dr Abiyyi Acmad Qafiyat Luddal Geytimta Taqabitte Yafdigoonu Kee Qaafiyat Siirat Maqarroosaanamal Artifishaal Intelejensi Kee Digital Teknologih Caylat Yantifiqeenim Kaxxam Faxximtam Qaddoose.
Naharsi Malak Ayyuntiinô Ratteemah Galil Tatruse Farmol Afrikah Dalka Lowsis Kee Kalali Fanteenak Naharsi Saqal Dr Jean Cassia Lih Baxaabaxsa Le Naharsi Caagiidal Walal Abeh Yanim Qaddoose.
Afrikah Inkiinoh Eglak Artifishal Intelejensi (AI) kee Xijitan Qaafiyat Saqalah Yan Qusba Doori Wagsiisak Baar Le Walal Yekkeh Axcuk Qaddoose.
Qaafiyat luddal booddah tan milaagi gexkalit yafdigoonuh, qaafiyat siirat maqarroosoonuh, wadba baarisaanam kee ni ummattah yayse xaloot akah geytannah artifishaal intelejensi kee Digital teknoloojih caylat xoqoysimaanam faxximtam warse.
Itiyoppiya Sissikuk Milaagimak Geytimta Teknolojih Baadal Meqennal Akah Gexan Innah Abak Raag Qarangubal Tabsaanam kee Maqarle Sitaluk abit Xisoonuh Leh Tan Fayxi Qagitaak Yescesse.
Qusba Gino Kuliway Afrikah Dadalah Faximtah Tan Rakiibo Kinnim kee Bical Yan Afrikah CDC kee Inkih tan Qarangubal tan Wakliititelih Ta Mabla Xayowam kee Kulli Xalootu Fanah Maqnisaanama Elle Duudan Innal Taamitanam Faxximtamat Yaabe.