Maaci rasuk yangudi daqaaral silaytule roobih qawwalaylat buxaaxi akak finqitte marah sissik wadottah qokol yekke
Addis Ababa,Qasa Dirri 25,2018 (FMC) Rakaakayak Qawwalaylah ossodih makkabiyyoh komishin maaci Rasuk yangudi daqaaral silaytule roobut buxaaxi akak taddigileeh booxal raaqehvyan buxaaxih marah sissik binaadamiino qokol abe.
Qawwalaylah ossodih makkabiyyoh komishinik lojistiik mihratlih yan Qali ismaaqil ta qokolih aracal elle qaddoosennal away qokol abeenim roobut buxaaxi silayti inkitanuuk akak beehbyan ayyuntay ayrobbagul raaqe kinnim qaddoosen.
Awayih ibak sissik qokol akah abeenim 100 buxay lafetle ceelot raqte kinnim kee tamarah abeenih yanin qokoluuy yakmeenih yaaqabeenimiiy sartanaay silaalo mansoofa kee korkorro kinnih tanim Yescessen.
Taqokol akah aben ayyunti keenih aben qokoluh doolatah gadda gacsakaay, assakatle qokol keenih yekkem takkay immay yayse qokol uxih keenih yakkeemih qaago loonum yiysixxigen.
Kalifa kadir