Samarak Qaafiyat Fanteenal Inonti Kee Alaaqâ Fanteena Dooqaysen
Addis Ababa,Qasa Dirri 27,2018 (FMC) Qafar Agatih Rakaakayih Doolatak Qaafiyat Biiro Meqem abittoh Eglaalih Cattimak Samarak Qaafiyat Fanteenal Inonti Kee Alaaqâ Fanteena A Saaku Dooqaysen.
Ta Qaafiyat Fanteena Mango Ummattay Samarâ Magaalal Geytimtah Ayfaf Tacee Kinnuuk Inonti Kee Alaaqa Qaafiyat Yaysiisonuh Bicisen Fanteenal Kinni.
Tama Fanteena Qaafiyat Biiro Kee Dar Al-Fiker Foundation Sitta Luk Cattiimak Xissem Kee Tama Aracal Qaafiyat Biiroh Saqalah Yan Gifta Yaasin Cabiibiy, Samara Loogiyah Magaalah Xiinissok Saqalah Yan Gifta Qabdu Muusay, Bahren Ambassih Awlaytit Kee Tonnah Kaadu Samarah Ummatta Elle Geytimte.
Qaafiyat Biiroh Saqal Gifta Yaasin Cabiib ta aracal tatruse farmol Iyyeemih Inonti Kee Alaaqah Qaafiyat Naysiisuh Inonti Kee Alaaqa Baxsah Elle Xaylimta Fanteena Faxximtam Kinnuuk Ta Fanteena Neh Xisse Dar Al-Fiker Foundation Kulsale Gadda Gacisna Axcuk Yaabeh yanim Qaafiyat Biiroh oyti yascasse.