Tamate 7 hayto dooroh uguugus wagsiisaak samara logyi magaalah xiinissoh sayyo leeda qokolih soolo Gexisen
Addis Ababa,Qasa Dirri 28,2018 (FMC) Leeda inkigid akkiyyaay Itiyoppiya celallo takke baaxo fanah Ninni daddas diggoosennoh, leeda doorenno
Dooroh asta nek sirray kumriiy leeda doora intah tan itroora gabat luk saaku 12 saaqataak abbaxuk qokol soolo meqennal Gexisen.
Tasooloy samara kee logyi magaalah xiinisso kee dariifak mango sayyo gexesseh tan tasoolol Rakaakayak fayyale sayyo miraaciini elle geytimeeh
Leeda missoynak sayyo galih saqalah tan gifti uxtiya yayso soolo gexisseh tan sayyoj foocal tatrusseh tan farmoluuy, ni Baaxo Caddol taturte wargittel sayyo edde sugte vaaloota kassisseh
Milaagi doolat xissiimeek gamadal kullim milaagimak sayyo siyaasaay maddur kee tittalluk alliyal leh tan doori fayya axcuk yemeetem kassisseeh
Sayyo geyteh tan keenih daccarsimuuy inkid akkiyyi diggoowak gexuh qafar sayyo leeda doortam faxximtaamihbfarmo tatrusse
Tonnah sayyo galik taama selta makaadih adoytaay merraytu kee giti daddoosih biirok ciggiila saqalah tan gifti madiina macmuud leeda toobokeeh milaagi doolat xissiimeemih sayyo siyaasa caddol abteh tan dadalal miraaciinul 50 gaba gufak geytimtam Baxxaqsen.
Qafar sayyoy qaril sinam gaba qambaalak asak sugteh iyya awayih uddur tikka ta maddur taamoomit loonuh yanin gabat agle madduurul isinni xiqak baaxo dadalat assakatle gabah agle haak geytimaanam Qaddosen.
Sayyo kee ayyuntiino biirok ciggiila saqalah tan gifti Nasro Qudda leeda missonyan sayyoh leh tan afkan qeege wayuh inkih tan sayyo abtuwayta gabah aglek geytimu waa xaloot aakam tuxxiq akah yallu waam sayyo kinnim Tiysixxige.
Tohuuk ugutak inkih tan qafar sayyo tamaate doorol leeda doortam Sayyo isi gar isih facrissam kinnimih taagah sayyo anewayni propagandal aylahite waak leeda doortam faxximtam Kassise.
Ta soolot tengeleh tan sayyooy leedak yublen maqaane marafan gexi ken mahaytam ablaasuk inkihbtan sayyo leeda akah doortannah taamiteloonum Yiysixxigen.
Kalifa Kadir