Afrika Abuud Quukak Tawquh Sissik Aglele Maqattoti Faxximta

Addis Ababa,Qasa Dirri 28,2018 (FMC) Galli Maroh Eglak Afrikak Qidaddo Komishin Afrikal Gibdaabina kataasak Geytima Iroh Abuudih Xukkok Tawquh Sissik Aglele Maqattoti Faxximta
Qaddose.

Addis Ababal Gexsitak Geytima 2 Heele Afrikak Dagarraq Le Faynansi Koboxul Komishinik Nahrsi Kutbe Abe Kilaver Gatette:- Afrikah Qidaddo Ceena Le Maaliyyah xayyos Jeo-Poletiks Gexekalititte Elle Tambulleh Asmat Elle Bayeh Yan baad Caddoh Caagidah Addat Culeh Geytima.

Ta Baad caddoh Milaagitte Investemnti Dudda Ceenosak, Investementi Aynukusuk Polisitte Dooritteh Gexsekalit Kee Kappital Awqenta Fayya Haak Geytimam Yescesse.

Awayih Uddur Afrika Askutubuk Geytimta Qidaddo Dadala 1 Ximmoy 2 Trilliyon Takke Dollarih Abuudih Bohoyut Culeh Geytimam Qaddose.

Baaxoxal Ossimak Temeete Abuud Gibdabinnitte Kee Uxuxxotak Yemeete Maaliyyah Xayyos Afrikak Daddos Safarat Gexekalit Akkuk Geytimam Ascassuk Ta Gibdaabinak Yawqoonuh Inkim Akak Iyyan Maqattoto Faxximtamat Yaabe.

Gexekalititte Tanim Takkay Immay Afrika Qidaddo Libdo Abluusuk Geytimtam Ascassuk 2025 Heele Liggidah 3 Ximmoy 9 Gaba Booluk Gadadal Tuskutubemit Yaabe.

Takkay Ikkah Awayih Uddur Gibdaabinat Culteh Geytimta malcina Baaxoxa Edde Anuk 16 Takke Afrikah Baaxoxa Gibdah yan Abuud Cunxot Culteh Geytimtam Ascassuk Amolladih 1 Ximmoy 2 Trilliyonih Ameerikah Dollar Gufeh Geytimam Baxxaqse.