Qafar sayyoh kabxaabah egla koobaahissol qunxaaneytah taamah abak raagaay ixxiga tabaatabsa kee taama saami luk yasgooroweenim wagsiisa gudgud Gexisen
Addis Ababa,Laqin Alsa 6,2018 (FMC) Qafar sayyoh kabxaabah egla master card foundationiiy Aisda kee UNICEFit cattiimak gexisseh tan ta gudgudul rakaakayak kabxa biiroh miraaciinuuy taama kee duddi biiroh miraaciinuuy Samara logyi magaalah xiinissoh miraaciinu kee baxaabasale baad kee baaxo caddoh meqem abittoh eglaalih awlaytit elle geytimte.
Ta gudgudul unkaq muquk temeeteeni fakkenta abteh tan qafar sayyoh kabxaabah eglah saqalah tan gifti Amina yaasiin qafar sayyoh kabxaabah egla qafar qunxaaneyta kee sayyo madduurul isxiqtuuy taama sinna kee qayxiixinnuk tawquh mango taama abak geytimtam tiysixxige.
Away gexisaanah yanin gudguduk hadaf taama sinni qinxaaneyti taama saami elle ginam xiqanna kee elle gorrisam xiqannak duddale ixxiga geyoonuuy gaba qambaalak yawqoonuh ixxiga akak geyoonu kinnim qaddosaak fayyale caddoh eglaalit cattiimak Rakaakay caddol qimboh addah gexisan gudgud kinnim Qaddosse.
Takkel farmo tatruseh yan rakaakayak taama kee duddi biirok ciggiila saqalah yan gifta macammad yayyo abe yaabak Leeda missoyna qunxaaneytah taama saami ginaanamah teceeh tan hangi fayyalem kee isi gabat miraavisak geytimtam Yescesse.
Qunxaaneyti dooqaysimma iyyan wak doolatak taama qambaala mara yakkeenim himnay taam mango gurral gorrisaah ginam xiqa mara yakkeenim faxximtam kassiise.
Doolat qunxaaneyti gaba qambaalak yawquh baxaabaxsale ammuntitte kee siiratitte ayyaaqukuuy gaddaloola keemeqem abittoh eglaali qunxaaneyta elle tamsissaah nahariino le rakaakayih xayloh akah tamcawwennah mango macalitte abak temeeteeh meqe xalu anlaasuk geytimtam yiysixxige.
Magala xiinissoh saqal injiner acmad nuur saalim away geytimah yan taama saamih ginot Samara logyi qunxaaneyti akah yantifiqennah abelem kee naxaabaxsale daqooritih qunxaaneytay samara logyal geytimahbyani kaadu geytime saamit yantifiqem faxximtam Qaddose.
Qunxaaneyti akkel geyah yan baritto kee taama elle esseran inna wagsiisah yan gititte digga haak doolat akke sinni exaaxil xayyoowak taama akah geyan inna kee kalah taama isinnih elle ginaanam xiqan inna wagittaamal gabat agle akah yaallen innal dighoowaanam faxximtam kassiise.
Kabxa biiro saqal gifta Acmad qabdulkaadir isle kabuk iyyeemih Taama sinnih yan qunxaaneyti taama geyuh abiirih caddol faxcimaya qokol qunxaaneytah abe loonum yiysixxige.
Qunxaaneyti uma aroocat asiiy doat taama nel kalitye axcuk tatcamit asa mara yakkeenimik awquk keenih ginnimah yan saamittet antifiquk taamal is xiqaah Baaxoh tu xiqa mara akah yakken innah niya haysitak qambaalak yawqe mara yakkeenim faxximta yaanamih farmo tatruse.
Kalifa Kadir