Duul elle asa kee qammi baxi daqaaral LLRP cugayso xisseh tan 10 alfik dagah buxa edde tantifiqe soolaaral taamitta lee dooqaysen
Addis Ababa,Laqin Alsa 11,2018 (FMC) Buqre kee maqublee gabbi rasuk duul elle asa kee qammi baxi daqaaral Rakayayak naharsi saqal Cajji Awwal Qarba kee Federaalak efeq kee Laqin dariifah malaak Dr Abraham belay elle geytimaak dooqaysen.
Qammi baxa kee duul elle asah daqooritil LLRP cugaysot abbinowteh tan maqub kee mosno leey 154 milyonih birrik daga takke lakqot xissimteh tanih dooqaysol geyimaak farmo tatruseh yan Rakaakayak naharsi saqal massakaxxale Cajji Awwal Qarba daddoosut afto luk suge wayte qafar ummattah milaagi doolatih uddur mangom tekkeeh uxih akkuk geytimtam Yescessen.
Gabbi rasuk qammi baxa kee duul elle asah daqooritil a cugaysot maqublee dubuh hinnay buqreh takkelee ayyaaquk 200 hektaar akah ikraariseenim takkay immay wohuk tatrusak 1000 hektaar akah tambuqurennah taamal geytimaanam yiysixxige.
Asanat 14 bilyeenih projetitte dooqaasak geytimaanam kee asanatih addat mango prijektitte dooqaaseloonum qaddoosak taturte doorol ayyuntah culen xagana aracat haak geytimaanam Kassisen.
Leeda missoyna bahteh tan milaagut nahariino akahbyaceenim baaxol inki gideh maddur tuxxiq geytimam kinnim kassiiseh yan naharsi saqal massakaxxale cajji Awwal Qarba dacarsittoh xiina migaaqal maddur kee siyaasak inkih wadir raqteh sugte qafar ummatta isim isih caglitah isi gaddat isih tantifiquh foocaffanah Rakaakay doolat mango taama abelem Baxxaqsen.
Federaalak efeq kee laqin dariifah malaak Dr Abrahaam belay abeh yan yaabakaay
Adariifah ayyunti baaxolikih lee likih edde yantifiqem xiqak suge wee ayyunti leeda messoyna a dariifah ayyuntih mano milaagimtuh fiiriseh yan taddiirak abbinos abinah elle yubluuse darifa kinnim kassiise.
Baaxoh addah lee ayyaaquk weeqaytilee manfaqatal korisak buqreey maqubuh inkih keenih korisaanamal kaxxa taama tekkeh tanim yubluuse.
A dariifa daddoosuh takke dariifa kinnuuk a dariifah daddos dubuh adariifah ayyuntih tuxxiiq hinnay inkih tan baaxo tuxxiq fan fayya haanamal taamiteleemih xagan cule.
LLRP cugaysok Qafar Rakaakayal saqalah yan gifta macammad casan LLRP cugayso away 23 daqaral mango daddos abak geytimtah tan taamal Kaxxa dudda kee abbinos ablaasuk geytimtam qaddoose.
Gabbirasih caddol eletriik kee siragleleet yantifiqeenimik awquk ayrol taamita caylah keenik koriseenim milaagi doolatih xaluy ayyunti diolatah gadda elle gacisaah goorook xakakle manoh edde gaceeni kinnim ruffa ken haytam ta daqooritih ayyuntay dooqaysoh aracal geytime Nummasen.
Kalifa Kadir