Iraan Kuwet Kee Bacreenit Dron Maysattaka Abte
Addis Ababa,Laqin Alsa 26,2018 (FMC) Ameerika Lih Bicak Geytimta Iraana Kuwet Tayyara Booxa Kee Bacreenil Geytimta Ameerikak Qaskar Fanteenaanit Dron Maysattaka Abtem Qaddosen.
Iraan Kuwet Tayyara Booxat Abte Dron Maysattakak Gexxamah Managoh Yan Mari Edde Biyakitem Kee Tonnah Tayyarah Safar Sooleh Yanim Yescessen.
Kuwetik Kalali Qandeh Malaakih Afak Yaabe Birgadir Jeneral Saqud Qabdulaziz Al-Otaibi Iraan Tayyaara Booxal Geytimta Safar Terminaal Abteh Tan Maysattaka Ummatta Kee Kalqat Kaxxa Taqabi Kataaseh Yanim Kassise.
Tama Maysattakak Ugut Abak Qaskar Afak Yaabeni Iyyemihi :-Iraanat Takke Faxe Qaynatih Xaaw Kee Maysattakal Gacissa Qagite Sinni Maysattakay Axcuk Kassisen.
Tonnah Ameerika Is Kabuk Inteemihi “Ninni Kalalalla Gidih “Abne Akak Iyyan Maysattaka Hormoz Tabeenak Xayi Daffiat Maysattakay Abne Axcuk Baxxaqsen.
Girah Ugra Sooloh Sittin Geyi Abeenik Lakal Tah Qimboh Addah Gibdi Maysattaka Kinnim Ascassuk Geytiman.
Ameerikah Prezdenti Donaldo Trump Tehraan Kee Washingtonul Akkuk Geytima Bici Uxi Kinni Akkuk Geytimam Ascassuk Girah Ugrah Sooloh Sittin Gey Akah Yayderen Innah Iraan Xaquk Essero Xayyowteh Sugtem Yiysixiige.
Takkay Ikkah Iraan Ameerikal Xayyossse Girah Ugrah Sooloh Sittin Geyil Aham Fanah Raddi Maacinna Axcuk Itivi Kee BBC Xaagih Raceena Baxxaqisse.