7 heele Amolladi Dooro Qafar Rakaakayal Saay kee Salaamah Gaba Kaltem Qafar Poliis Edde Caba Amolladi Miracsenti Qaddoyse.

Addis Ababa,Laqin Alsa 26,2018 (FMC) Qafar Poliis edde Caba Amolladi Miracsenti Saqal Komishineer Jeneraal Bilqe Acmad Kore Laqin Alasak 24 Gexsitteh Tan Amolladi Dooro Wagittaamal Maybalaalaqa yecee.

Komishineer Jeneraal Bilqe Acmad Kore Ta Dooro Saay kee Salaamah Gaba kaltuh taturteh tan Aslitteek Qembisak Kulli Dariifal Amni Caagiida Wagittaamal Faxximtah tan Gulgulusso Kee Bica Abak Sugeenim kassiise.

Tonnah Dooroh Ayro Kulli Doorô Rakaakayitte Kee Fanteenaanil Saay Cayla Kee Ayyunta itta lih qokkolsimak Dooro Salaamah Gabakaltuh Faxxima Macal Abak Aseenim qaddoyse.

Qafar Rakaakayih Caddol Kulli Doorô Rakaakay kee Fanteenaanil tekkeh tan Doorol Ayyunti Beerah Baaxo Anfiqe leemih Kibal Elle Leh yan Siyaasâ Massoynaani Dooritak Dooro Salaamah Gaba Kaltem Diggoyse.

Qafar Poliis Edde Cabta Amolladi Miracsenti Saqal Komishineer Jeneraal Bilqe Acmad Kore 7 heele Amolladi Doori Saay kee Salaamah Gaba Kaltuh Macalteh tan Rakaakayak Saay dagorti kee Qafar Ummattah Gadda Gacisem Rakakayakak Doolat Angaarwih Affafih Oyti Yasacssse.