IGAD Somaaliyal Boodeh Yan Kokaxaw Salamak Yan Gital Akah Yafdigen Innah Seeco Xayyosse

Addis Ababa,Laqin Alsa 27,2018 (FMC) Somaaliyak Inayta Magaala Mogadishoh Addal Geytimta Doolat Buxak Xayi Dariifal Gibdah Tan Girah Ugra Tantabbemik Ugutak Amni Cayli Raddi Acayuk Geytimam Yescessen.

IGAD Asaaku Teyyeqe Maybalaalaqal Inkih Tan Xakak Way Abtoota Inki Tanuk Sadaanah Yaninim Qaddosen.

Somaliyah Addal Siyaasa Taqabitte Fayya Intih Tan Uddur Mogadisho Addal Sabhalal Sinna Boddam Kaxxa Bohoy Kinnim Kassiise.

Namma Qaxih Marih Inkih Bood Akah Xabbacosan Innay Namma Kabuk Walal Yafdigeenim Faxximtamih Kassis Tatrusen.

Taway Nagay Sabhalal Edde Faxxiima Uddur Salaam Kee Xakak Sinna Xabbacosanam Kee Agat Inkittinaane Diggoosaanam Somaaliyak Doolat Xisneh Taamal Kaxxa Tuxxiq Lem Yescesse.

IGAD Kaadu Inkih Tan Magoab Leela Somaali Ummattah maslacat qimbot hayya hayteh salaam fidgah gita akah beyan innah kassiise.

Somaaliyah Baaxo IGAD Xisseh Tan Adoytah Tan Baaxo Kinnuuk, Ta Dariifal Salaam, Amni Kee Daddos akah Yamaatennah Kaxxa Fayxi Lem Baxxaqsen.

IGAD Somaliyah Baaxo Agat Inkittinaane Kee Sarimanele Sabhalal Akah Yakkennah Abak Geytimta Macal Qokoltuh Fayxi Lem Qaddosse.