Israail Kee Iraan Carbih Soolo….

Addis Ababa,Waysu 2,2018 (FMC) Sarrimaane Le Fidga Akah Geytimewayte Israail Kee Iraan Carbi Awayay Takkay Dariifa Kee Baad Cawlay Akkauk Yemete.

Tatre Qasa Dirrik Namma Baaxooxa Gira Sooloh Sitingey Abenek Lakal Dariifal Sugte Taqabitte Sabhalalla Inteh Suge.

Takkay Ikkah Kimaalih Ayro Namma Baaxoh fanal Ugute Suge Carbi Dariifa Qagitak Bohoy Addat Akah Cultannih Bohoy Ankullukele Iyyanamih Bohoy Sugem BBC Xaagi Yescesseh Sugemi Kassitna.

Maysattaka Iraan Israailit Abteh Sugtem Kassisak:-Tonnah Kaadu Israail Kaadu Isi Qaxak Gaba Gacsi Maysattakah Maqatta Beyteh Sugte.

Ameerikah Prezdenti Donaldo Trump :-Israail Kee Iraan Bood Sissikuk Akah Soolisan Innah Esseremi Yescessen.

Asaakih Ayro Israail Kee Iraana Girah Ugrah Sooloy Heenih Iyyah Waadok Tabe Weenik Namma Buxa Qagitak Hebelto Maysattaka Sittat Abewaytuwaytam Tiysixxige.

Israailik Naharsi Malaak Biniyam Netaneyohu:-Iraanat Abak Sugen Qaran Maysattaka Uddur Fanah Soliseloonumu Yescesse.

Iraan Isi Kabuk Intemihi:-Tehraan Israailit Abak Sugte Maysattakoki Qaduuk Solissem Baxxaqsen.

Gersi Katuk Israail Kee Iraanak Gari Garuk Aben Waadok Tature Yellenik Aben Sittin Gey Finqitelem Qaddosen.

Prezdenti Trump Namma Baaxoh Fanat Qusbaddah Uguteh Suge Carbi Solisanamih Sittin Gey Gufeenim Assakotuk Ameerika Kee Iraan Fanal Yakke Bici Away Meqe Caddot Geytimam Kassise.