Ameerika Bankil Soolisseh Sugte 12 Billiyonih Dollarih Fund Iraanah Tacsuh Tensememeqe

Addis Ababa,Waysu 16,2018 (FMC) Ameerika Iraanal Hayteh Sugte Kaltaxxibixik Gexxamah Bankil Soolisseh Sugte 12 Billiyonih Dollarih Fund Iraanah Tacsuh Tensememeqem Qaddosen.

Tama Margaqa Amerika Kee Iraan Fanal Yekkeh Yan Salaam Sittengik Ugutak Swezerlandil Gexisak Sugen Salaam Sittin Gey Gaba Kalek Lak Kinnim Yescessen.

Kalah Ameerika Iraanak Siragle Lee Kee Petrokemikalal Hayteh Sugte Kaltaxxibix Ugussuh Tensememeqemit Yaaben.

Iraanal Ameerika Hayteh Sugte Kaltaxxibixik Gexxamah Chaynay,Qirakay,Hindi Kee Katar Edde Anuk Baxabaxsale Baaxoxal 100 ilaa 120 Billiyonih Dollar Gufta Lakqo akah Asgayyewaytannah Abeenih Sugeenimi Tamixxige.

Ameerikah Prezdenti Donaldo Trump Iraanak Horeenih Sugen Banki Cisab Ameerikak Buqre Murtih Catoh Tuxxiqil Aselemi Yescesse.

Tonnah Gaba Gacsah Iraan Swezerlandi Walalal Baadak Atomik Energih Exxa Iraanak Nukler Fanteenanil Lowsisi Akah Abtannah Amrissem Kassissen.

Ameerika Kee Iraan Girah Ugra Soolo Akah Abtannah Sittin Gey Abeenim Takkay Immay Israail Libaanosut Abak Geytimta Maysattaka Ta Sittin Geyit Hadaf Takkem Bictah Axcuk Qaddosak Geytiman.

Israail Kee Cizbulla Xayi Ayroorah Addat Girah Ugrah Sittin Gey Abeenih Sugeenimi Takkay Immay Cizbulla Abteh Tan Cube Wayni Maysattakak Gexxamah Israail Kaxxa Maysattaka Abak Geytimta.