Makroh Qidaddoh Maydaasah Qokoluh 70 Miliyoonih Yuurol Abuud Sittin Gey Yekke
Addis Ababa,Waysu 22,2018 (FMC) Itiyoppiya Kee Taaliyan Fanal Makro Ikonomik Riformi Qokoltuh 70 Miliyoonih Yuuro Xer Wakti Abuud Sittin Geyil Gali Heen.
Maaliyyah Malak Acmad Shide tama Sittin Geyil Itiyoppiya Daddos Sittin Qokoluuy, Daddos Waklentit Lih Leh Tan Sittin Qokoluh Maqarle Caddo Gufteh Geytimtam. Itiyoppiya Taaliyaanak 150 Miliyoonih Yuuro Mizaaniyyat Qokol Geelem Kassiiseeh, Tahak Ugut Abak 70 Miliyoonih Yuuro Xer Waktih Sahlin Abuud Sittin Gey Akah Yifrimen Innah Abeenih Yaniinim Baxxaqise .
Taaliyaan Kee Ityoppiyah Doolatih Fanal Maqarle Qidaddoh Qokol Kee Kataysiinu Yanim Tama Malak Kassiisaak, Taaliyan Itiyoppiyak Qidaddo Milaagu Kee Baxaabaxsa Le Daddos Taama Qokoltah Tan Wakti Baaxooxak Tiyak Teena Kinnim Qaddoose.
Itiyoppiya Taturte Namma Sanootah Addat Inkih Tan Makro Qidaddoh Riformitte Meqe Gurral Sekeltem Kassisak Ta Sittin Gey Baaxok Baaxoh Addah Qidaddoh Riformi Fooca Fanah Diggowtuh Cato Lem Yiysixxige.
Itiyoppiya Caylaay, Bunaay, Magaala Daddos Luddal Taaliyan Doolat Lih Maqarle Qokol Lem Yescesse Ato Acmad, Itiyoppiyak Qidaddo Milaaguh Gexsit Meqe Caddol Loonum Kaxxa Kibal Yascasse.
Itiyoppiya 3hele Luddak Mizaaniyyat Qokolih Baad Banki Lih 1.45 Biliyoonih Doolarih Sittin Gey Gili Akah Aban Innah Abeenim Kassiise.
Itiyoppiyal Taaliyan Ambasadder Sem Fabrizi, Itiyoppiya Qimbisseh Tan Baaxoh Addah Qidaddo Milaaguh Gexsit Taaliyan Qidaddo Milaagih Gexsit Fooca Fanah Akah Gexannah Abelem Yescessen.
Ta Sittin Gey Taaliyan Itiyoppiyah Milaaguh Gexsit Abtah Tan Qokol Abta Mayballa Kinnim Kassiiseeh, Itiyoppiya Abbinosseh Tan Baaxoh Addah Qidaddoh Milaagu Katayak Gitah Tan Fooci Fanah Gexak Geytimtam Kassiise.