Iro Tellemmoh Culentak 10 Ximmoy 7 Billiyonih Dollar Geytimte

Addis Ababa,Waysu 29,2018 (FMC) Tellemmo Kee Dariifa Fantaxawih Malaak Sanat 2018 Mizaniyyat Liggidah Iro Tellemmok 10 Ximmoy 7 Billiyonih Dollar Geytimtem Qaddose.

Tama Malaak Wagiitah Tan Xagaritte Lih Gacak Sanat 2018 Heele Mizaniyyat Liggidih Taamak Gabbaqu Kusaqisak Geytima

Tellemmo Kee Dariifa Fantaxawih Malaak Dr Kasahun Gofe Iyyemihi :-Ta Exxa Leh Tan 67 Affafittek 47 Digital Affafa Fanah Koriseenimit Yaabe.

Tannnah Abaanam Duudumtem Garqiino Raaqisak Sissik Affafitte Akah Geytimtannah Kaxca Xaloot Geysissem Baxxaqse.

Sivil Servis Amrik Ugutak Faxximtah Tan Caddo Kibak Reformi Yekkem Qaddosak:-Taama Abeenitih Bica La Dariifa Ginnimtem Yiysixxige.

Itiyoppiyak Murtitte Diggoysoonuh Baxaabaxsa Le Taamoomi Tekkeh Tanim Yescesse; Mango Taqabi luk Sugte Itiyoppiyak Murtih Exxa 800 Miliyoonih Birrih Lakqo Lakqo Osab Geyteh Tanim Kee Isi Qari Xisak Geytimtam Qaddoose.

Ossotinah Mizaniyyat Liggidal 3 Ximmoy 4 Takkeh Tan Madruurah Tellemmoh Amri Yomcowwemit Yaabe.

Qadaaga Sabhalalah Sanatal Tellek Yan Taamomik 800 Daga Takke Cad Kee Sabti Qadagog Baariseenim Kassisak Qadaagak Amolladi Qadad 2 Alfiy 869 Gufem Yescessen.

Amolladih, Sanat Addat Tekke Taama Olayin Tabaatabsa Ayfaf, Siragle Lee Taqabi Raddi Yaceenim, Qadaaga Daddos Baarisaanam kee Qadaaga Sabhalal Akah Tallennah Abeenih Yaniinim Qaddosen.